Vinum Francicum
![](http://upload.wikimedia.org/wikipedia/commons/thumb/5/5a/Vigne_de_Montmartre.jpg/220px-Vigne_de_Montmartre.jpg)
Vinum Francicum[1][2] vel Parisinum,[2] id scilicet quod circa Lutetiam provenit in illa regione quae olim Francia nuncupabatur sed recentius "insula Franciae", vulgo vin françois appellabatur.[3] A saeculo XIII celebrabatur, sed nostro tempore inter vina Gallica locum modestissimum habet.
In carmine de proelio vinorum ab Henricus de Andeliaco anno fere 1223 scripto vina Francica loco primo enumerantur, videlicet Orcicasae, Sancti Ionii, Aurelianense, Iargoliense, Mellentense, Argentolianum(fr), Suessonense, Samesii, de Tria Bardoli. Deinde inter se et contra alia omnia pugnant, duce vino Argentoliano:
- Primes parla vins d’Argentueil
- Qui fu clers comme lerme d’ueil,
- Et dist qu’il valoit miex d’aus toz.
- «Or te tais, filz a putain glouz,»
- Ce dist li vins de Pierre frite,
- «Tu jeues a la desconfite;
- Ices trives seront enfretes,
- Je vail moult miex que vous ne fetes,
- A tesmoing le vin de Marli,
- De Duoeil, de Monmorenci»
("Primum vinum Argentolianum, tam pellucidum quam lacrima, se plus quam alia omnia valere praetendit. 'Tace, fili lupae,' ait vinum Petraefictae, 'tali ludo domaberis; haec foedera rumpentur; melius quam tu aestimor! Testantur vina Marliaci Diogilique et Montis Morentiaci").[4] Saeculo XVI ineunte Gulielmus Budaeus vina Francica omnium optima esse praetendit: "Sanorum iudiciorum consensu constat vina Francica, id est Parisina, omnibus numeris bonitatis praecellere, tametsi halitu, ut illa externa, vertiginem non cieant."[5]
Notae
[recensere | fontem recensere]- ↑ "vina Francica": Palmarius (1588)
- ↑ 2.0 2.1 "vina Francica, id est Parisina": Budaeus (1514); editionibus posterioribus "vina Francica, id est vineti Parisini" e.g. hic
- ↑ vin franchois: Segré de segrez
- ↑ La Bataille des vins vv. 77-86
- ↑ Budaeus (1514)
Bibliographia
[recensere | fontem recensere]- Fontes antiquiores
- 1223/1224 : Henricus de Andeliaco, La Bataille des vins (Alexandre Héron, Oeuvres de Henri d'Andeli, trouvère normand du 13e siècle [Rotomagi, 1880] pp. 23-30, 87-129)
- c. 1300 : Galfredus de Waterford, Servatius Copale, interprr., Segré de segrez cap. 64 (Albert Henry, ed., "Un texte œnologique de Jofroi de Waterford et Servais Copale" in Romania no. 425 (1986) pp. 1-37)
- 1514 : Gulielmus Budaeus, De asse et partibus eius. Lutetiae (f. 140 recto apud Google Books)
- 1588 : Iulianus Palmarius, De vino et pomaceo (Parisiis: apud Guillelmum Auvray) p. 28
- 1948 : Charles Bailly et al., "Les grands dîners à la gloire des vins de France" in Revue culinaire (Iulio 1948) pp. 179-182
- Eruditio
- Florian Humbert, "Une formulation de la relation du vin au lieu: les noyaux d'élite de l'INAO" in Crescentis vol. 1 (2018)
- Georges Kuhnholtz-Lordat, La genèse des appellations d'origine des vins. Macon: Imprimerie Buguet-Comptour, 1963
- Marianne Mulon, La vigne et les vergers: toponymie de la vigne en Île-de-France aujourd’hui. Société française d'onomastique, 2002