Vaccarinus

Vaccarinus (Italiane vaccarino; Francogallice vacherin) est grex varietatum casei bubuli in Francia, Helvetia et olim Sabaudia confectarum. Casei huius generis hodie sub nominibus protectis Mont d'Or et Vacherin Fribourgeois venundati sunt.

Mont d'Or

Caseus Mont d'Or (interdum videmus Vacherin du Haut-Doubs; in Helvetia Vacherin Mont-d'Or) tam in Francia quam in Helvetia provenit. Hic caseus admodum recens, in bractea ligni abietis maturatus, in capsa lignea venundatus, saepe ante cenam calefactus et fere liquidus cum cochleare sumitur.

Caseus sub nominibus Mont d'Or et Vacherin du Haut-Doubs in civitatibus Europaeis venundatus debet in regione delimitata Franciae et in modis definitis fieri. Qui casei ab anno 1981 appellationem in Francia verificatam habebant; ab anno 2009 appellationem in Europa protectam portabunt.
Caseus sub nomine Vacherin Mont-d'Or in regione delimitata Helvetiae et in modis definitis fit. Qui casei ab anno 1981 appellationem in Helvetia verificatam habent.

Vacherin Fribourgeois

Vacherin Fribourgeois in Helvetia venundatus debet in regione delimitata et in modis definitis fieri; qui caseus ab anno 2006 appellationem originis verificatam habet.

Nexus externi

Mont d'Or et Vacherin Mont-d'Or

De appellationibus lacticiniis Francicis (Francogallice)
De appellationibus lacticiniis (Francogallice)
Pagina officialis Vacherin Mont-d'Or (Francogallice, Theodisce, Italiane, Anglice)
De caseis Helveticis (Francogallice)

Vacherin Fribourgeois

De appellationibus lacticiniis Helveticis (Francogallice)
Societas mercatoria (Francogallice, Theodisce, Anglice)
De historia (Francogallice, Theodisce)
De appellatione confirmata (Francogallice, Theodisce)