Coordinata: 41°53′39″N 12°29′05″E / 41.8942°N 12.4848°E / 41.8942; 12.4848

Templum Veneris Genetricis

E Vicipaedia
Jump to navigation Jump to search

Templum Veneris Genetricis in foro Iulio Veneri protectrici Iulii gentis dicatum anno 46 a.C.n. aedificatum est, Iulio Caesare iubente.

De historia eius[recensere | fontem recensere]

Forum Iulium itemque templum iam anno 54 a.C.n. conceptum pauloque post inceptum esse constat. In vigilia Pharsalicae pugnae Caesar templum Veneri victrici devovit. Denique autem devotionem Genetricis Veneris, Aeneis itemque Iuliae gentis fautoris, praetulit.  Templum ultimo Caesaris triumphi die dicatum est.[1] Et templum et forum imperante tantum Augusto perfecta esse videntur.

Anno verum 80 p.C.n. templum incendio funditus deletum a Domitiano restructum, deinde a Traiano die 12 Maii 113 emendatum esse traditur. Iterum anno 283 flammis consumptum a Diocletiano restitutum est, cuius refectionis vestigia adhuc in situ inveniuntur.

De situ atque specie templi[recensere | fontem recensere]

Templi parietes e lateribus, facies autem marmorea exstructae sunt more octastyli. Novioris generis fuit podium elevatum e fundamentis aditusque eius.

Templi situm in extrema parte atri a Tuscorum modo struendorum fanorum deductum esse videtur, qui mos postinde toto imperio increbruit Templi fundamenta undique radicibus montis Capitolini illic effossa circumdabantur.

De ornamentis eius[recensere | fontem recensere]

Frieze-archivatre representing Cupids, from the first order of the cells internal decoration from the Temple of Venus Genetrix in the Forum of Caesar, Trajanic age, 113 AD, Museo dei Fori Imperiali, Rome (8070749843).jpg

Spoliis veteris templi perscrutatis statua Veneris verisimiliter ab Arcesilao confecta itemque Iuli Caesaris inventae sunt. Praeterea nonnullae tabulae Graecae Aiacis herois Medeaeque a Timomacho pictae, gemmae auratae nec non Cleopatrae reginae speciem Isidis deae monstrantis adinventae sunt.

Notae[recensere | fontem recensere]

  1. Richardson, Lawrence (1992). The New Topographical Dictionary of Ancient Rome. Baltimore: Johns Hopkins University Press. pp. 166–167. ISBN 0801843006 .