Aristeae epistula

"Ptolemaeus II in bibliotheca sua" a Ioanne Baptista de Champaigne anno fere 1672 pictum

Aristeae ad Philocratem epistula est libellus mythistoricus et pseudepigraphus ab auctore Iudaeo scriptus qui fortasse saeculo II a.C.n. Alexandriam habitavit.

Formam habet epistulae ab Aristea amico Philocrati missae. Conversionem Bibliorum (sed re vera Pentateuchi tantum) e lingua Hebraica in Graecam narrat, id est, originem versionis "Septuaginta": Demetrium Phalereum bibliothecarium regi Ptolemaeo de Iudaeorum legibus disseruisse; hunc leges Iudaicas interpretandas et in bibliotheca Alexandrina includendas iussisse; interpretes septuaginta, a pontifice Iudaico Alexandriam missos, a rege in symposio per septem dies de religione Iudaica inquisitos; versionem tandem confectam et Iudaeis Alexandrinis viva voce perlectam.

Aristeae epistula fons fuit Flavio Iosepho qui saeculo I p.C.n. de rebus Iudaeorum Alexandrinorum gestis et de conversione Bibliorum Graeca in Antiquitatibus Iudaicis scripsit.

Editiones et versiones

• André Pelletier, ed., Lettre d’Aristée a Philocrate. Parisiis 1962 (Graece, Francogallice)
• Kai Brodersen, ed., Aristeas: Der König und die Bibel. Stuttgardiae: Reclam 2008. ISBN 3-15-018576-9 (Graece, Theodisce)
• James H. Charlesworth, ed., The Old Testament Pseudepigrapha (2 voll. 1985) vol. 2 pp. 7-34 (Anglice)
• H. St. J. Thackeray, "Appendix: The Letter of Aristeas" in H. B. Swete, An introduction to the Old Testament in Greek (Cantabrigiae, 1900) pp. 499-574 (Graece)

Nexus externi

• Versio Anglica ab R. H. Charles facta
• Peter Kirby, Varia de Aristeae epistula apud "Early Jewish Writings"
• Michael Tilly, "Aristeasbrief" in Das wissenschaftliche Bibellexikon im Internet (WiBiLex)

Bibliographia

• "Aristeas (13)" in Paulys Real-Enzyklopädie der classischen Altertumswissenschaft edd. G. Wissowa et alii (Stuttgart, 1893-1972 ~ ~)
• Sylvie Honigman, The Septuagint and Homeric Scholarship in Alexandria: a study in the narrative of the "Letter of Aristeas". Londinii: Routledge, 2003. ISBN 978-0415280723
• Kaufmann Kohler, Paul Wendland, "Aristeas, Letter of" in Jewish Encyclopedia (Novi Eboraci: Funk & Wagnalls, 1901-1906) textus