Siota Rustaveli

Res apud Vicidata repertae:

Nativitas: 1172; Rustavi
Obitus: 1216; Hierosolyma
Patria: Regnum Georgianum

Memoria

Sepultura: Monasterium Crucis Hierosolymitanum

Siota Rustaveli (Georgice შოთა რუსთაველი) fuit poeta Georgicus saeculi duodecimi, poeta optimarum litterarum saeculorum Georgicorum maximi momenti. Inclutissime scripsit "Eques pelle pantherina indutus" (Georgice ვეფხისტყაოსანი, Vepkhist'q'aosani), proprium populi Georgici epos.

Opera[recensere | fontem recensere]

"Eques pelle pantherina indutus" in multas linguas conversum est. Epos primum editum est anno 1712 Tbilisis, in capite Georgiano. Inter opera saecularia picturis ornata, epos "Eques pelle pantherina indutus" locum egregium in Georgia occupat.

In Instituto Manuscriptorum Georgiano (Tbilisis) sunt duo folia verborum saeculi sexti decimi, et nonnulli poematis loci saeculi quarti decimi. Omnia alia poematis manuscripta veniunt ex saeculo septimo decimo (exempli gratia, manuscriptum circa 1653, H-54 in Instituto Manuscriptorum).

Maximum Reipublicae Georgianae in arte et litteris est Praemium Reipublicae Siota Rustaveli.

Aliae res[recensere | fontem recensere]

A die 3 Septembris 2001, respublicae Israel et Georgia coniuncte pittacia cursualia honoris Rustaveli causa distribuunt. Signum Israelicum (pretio 3.40 NIS), ab Yitzhak Granot designatum, auctorem cum verbis Hebraeis pone eum depingit.

Michaele Zichy, pictor Hungaricus saeculi undevicensimi, factus est "pictor populi Georgiani"; nam produxit optimas illustrationes quae saepe in editionibus poemarum Rustavelianarum adhibitae sunt. Statua et via Tbilisis opus Zichianum commemorant.

Fontes[recensere | fontem recensere]

1936. Tite Margwelaschwili. = Der Mann in Pantherfell—Georgica. Londinii. (Germanice).
1991. Zviad Gamsakhurdia. = Tropology of "The Knight in the Panther's skin. Tbilisi. (Georgice), cum summario Anglico.

Nexus externi[recensere | fontem recensere]

Lexica biographica: • Gran Enciclopèdia Catalana • Deutsche Biographie • Store norske leksikon