Superincolatio

Spissitudinis incolarum tabula pro natione.

Planetae zonae cum alta spissitudine incolarum anno 1994, secundum data societatis NASA.

Hyperplēthysmos (-ou m.; cf. Neograecum υπερπληθυσμός) est condicio ubi spissitudo incolarum crescit usque ad limitem qui ambitum degeneratum et qualitatem vitae deminutam efficit.

Hyperplēthysmos non solum a mensura aut spissitudine incolarum ipsorum sed etiam a relatione huius cum ambitus opibus pendet. Etiam a capacitate convertendarum in usu et distribuendarum harum opium totam per populositatem pendet. Supposita decem individuorum populositas ubi solum novem hominibus cibus et potio essent et ubi non esset commercii possibilitas, esset ambitus cum hyperplēthysmōi. Si populositas centum hominum esset sed esset ibi satis cibi, refugii et aquae, tunc hyperplēthysmos non esset.

Hyperplēthysmos aucto indici natilitatis, deminutae mortalitati propter medicos progressus, auctae immigrationi aut indurabili biomati et exhaustis opibus deberi potest. Possibile est ut in areis cum pauca spissitudine incolarum efficiatur hyperplēthysmos quia haec area humanam vitam sustentare nequeat.