Basipila

Clavator pilam icere parat.

Basipila, recte basīpĭla, est Americanus pilae ludus, iuvenum adultorumque Britannicorum ludi similis. A duobus manipulis, brevi baculo, et pila luditur; sunt quattuor bases, ad quas lusor pilam percutiens currere conatur, quin ea percutiatur. In campo ubi quadratum ducitur, bases sunt ad vertices: prima, secunda, tertia, domus appellantur, cum nonaginta pedibus inter se positi sunt. Cuique manipulo sunt novem lusores. Ad muros in campo ulteriori domui duo calces ad pares angulos proiecti sunt, quibus arbiter agrum aequum turpemque cernat, alter inter alter extra calces. Ludus est divisus in partes novem; etiam omnis pars dimidiata est. Dimidium primum, summum appellatum, manipulus alienus icit ut cursores domum impellat; alterum dimidium, infimum appellatum, manipulus loci icere potest.

Descriptio campi basaipilae (nomen diamond adhiberi potest ad spectandam ad regionem a quattuor basis definitam vel ad omnem capum). Dimensiones sunt pro ludis professionalibus. Puerr saepe in campis minoribus ludunt. Tabula Anglice signata.

Icere

Icit ictor contra iaculatorem, ille ab hoc sexaginta pedibus abest. Si ictor pilam aeque icit, ad basem primam curret. Si ictor ad basem primam adveniat prius quam pila missa ab lusore in campo, tutus sit. Deinde hic fit cursor, qui ad secundam procurrat, sive proximus ictor iciat aeque tuteque sive ipse cursor basem surripere conetur. Ictor pilam aeque icere desiderat. Si cursorem domum impellit, cursor domum impulsatus (CDI) aestimabitur. Pila icta, si ictor secundam advenit, duplex aestimabitur; si tertiam, triplex. Si super muros aeque plangitur, cursus domum (CD) aestimabitur.

Semovere

Necessest lusores in campo pilam conari. Sunt novem stationes in campo: iaculatorem, captor, prima, secunda, tertia, obstructor citerior (est constitutus inter secunda tertiaque; interdum captor appellatur obstructor post). Nam si quidam in campo pilam ad primam miserit prius quam ictor eamdem basem adveniverit, ictor semovatur; si minus, tutus sit. Si pila in aere capiatur, ictor semovatur. Pilá in aere captá, cursor procurrere numquam potest, nisi pilam in aere captam exspectet prius quam procurrere coepit. Si cursorem ab primo ad secundam procurrentem et ictorem domui ad primum pila missa bis superet, bisemotum appelletur.

Omne dimidium tribus semotis constat. Qui pilam icere erret ter, semovendus est. Hoc genus semoti ter erratum appellatur. Pilam ictam extra limines erratum arbiter aestimabit. Hoc genus errati turpe appellatur, sed ter erratum ob turpe numquam fit. Semoto tertio perfacto, stationes amborum factionum inter se mutati sunt.

Iacere

Iaculator pilam ad ictorem iacit ab tumulo iaculatoris procul sexaginta pedes. Is zonam ictús petere solet, quae de pectore ad genus ictoris. Si quis iaculator pilam iacat extra zonam ictús, arbiter follem aestimat. Quattuor follibus aestimatis, ictorem ad primam ambulare licet. Quod ambulatio appellatur, quo ictor ad primam tute ambulet. Raro iaculator ambulationem consulto dat.

Procurrere

Cum cursor aliquem basem tute advenit, tum basem proximam surripere conabitur. Non licet surripere prius quam iaculator in positione intentionis et icere paratus est. Necesse est procurrere recte, nam si cursor umquam aberravit, semovebitur. Duo cursores eamdem basem stare non possunt; vere cursor secundus semovandus est.

De nominibus

Bene notum est plurima Latina nomina huic ludo esse. Praeter basipilam (secundum Lexicon Recentis Latinitatis) sunt:

• basiludium
• follis bassus (ut Christianus Helfer opinatur) est nomen pessimum, locutionem anglicam baseball omnino prave intelligens, nam base spectat ad "basem" potius quam ad "bassum," et ball ad "pilam" potius quam "follem."
• ludus pilae clavaeque (secundum Levine)
• ludus stationum
• pilae et basium ludus (secundum Lexicon Recentis Latinitatis)
• pila stationaria (secundum Morgan)

Vide etiam

• Criccetius lusus
• Cultura Civitatum Foederatarum

Haec pagina est stipula. Amplifica, si potes!

Formula:Link FA Formula:Link FA Formula:Link FA Formula:Link FA Formula:Link GA Formula:Link GA