Constantinopolis

Fasciculus:Hagia Sophia BW.jpg

Ecclesia Sanctae Sapientiae, corona civitatis Constantinopoleos

Constantinopolis (Graece: Κωνσταντινούπολις, sed hodie potius nomine Turcico İstanbul, a verbis Graecis eis ten polin scil. "ad urbem" ) est urbs Turcica praeclara in extrema parte orientali Europae sive Thracia, nomine a magno Constantino sumpto. Initium habuit tamen humilius, in oppido quodam nomine Byzantium. Graeci a Megaris ibi habitabant circa annum 667 a.C.n., nomen civitatis sumentes a nomine eorum regis "Byzas". A Persis gubernatum 479 a.C.n.-444 a.C.n., Byzantium postea in libertatem reverta est. Captum a Romanis anno 196, Byzantium a Septimio Severo instauratum est et prospere agebat. Magnum momentum tamen civitatis anno 330 occurrit, cum imperator Constantinus eam caput Imperii Romani sub nomine suo restauravit. Civitas munere capitis Imperii Romani Orientalis plus quam mille annos est functa.

Cum munere civili ut caput imperii, Constantinopolis et munera ecclesiastica assumpsit. Episcopus Byzantii factus est Patriarcha Constantinopolitanus, quippe a Concilio Constantinopolitano Primo in locum secundum post episcopum Romae elevatus est. Varia Concilia Oecumenica locum tenuerunt vel in urbe vel prope urbem. Magnum symbolum civitatis, ecclesia Hagiae Sophiae vel Sancta Sophia, est exstructa anno 536 ab imperatore Iustiniano I, et rededicata est ab eodem 563 anno.

Civitas decrescebat cum Imperio Romano (quod Imperium Byzantinum a modernis historicis appellatur), et anno 1453 a Turcis Ottomanicis capta et eorum metropolis facta est. Post casum imperii Ottomanici, anno 1930, urbi nomen officiale datum est Istanbul, et adhuc civitas est maxima rei publicae Turciae.

Homines

Filii civitatis

• Stephanus Sculudes, primus minister Graeciae, hic natus anno 1838

Mortui

• 1736 - Ahmedus III

Vide etiam

• Fenerbahçe
• Imperatores Constantinopolitani
• Index incolarum notorum Constantinopolis