Sextus Pompeius

Vide etiam paginam discretivam: Pompeius (nomen).

Nummus aureus a Pompeio factus, Sicilia, 37-36 a.C.n. Legitur MAG(nus) PIVS IMP(erator) ITER(um).

Sextus Pompeius Magnus Pius (ca. 67 - 35 a.C.n. erat minor natu filius Pompei Magni a tertia uxore, Mucia Tertia, frater iunior Gnaei Pompei. Contra alterum triumviratum pugnavit. In hoc bello, contra Octavianum et M. Antonium, Sextus Pompeius 'Neptuni filium' se ipsum appellavit.

Vita

Caesare Rubiconem transgresso anno 49 a.C.n., inito bello civili, Sexti frater Gnaeus patrem secutus cum senatoribus ad orientales provincias effugit. Sextus interim Romae in custodia Corneliae Metellae novercae remansit. Cum Pompei exercitus apud Pharsalum superatus esset, Sextus cum Cornelia ei in Lesbos insula occurrerunt et una in Aegyptum fugerunt. In adventu, Sextus observabat patrem dolo occidi. Postquam Cornelia Romam rediit, Sextus in provincia Africa copias Pompeianas ante Caesarem iunxit.

Postquam apud Thapsum Scipionem Catonemque, fratres Pompeios apud Munda vicit Caesar. Gnaeus Pompeius supplicio capitis affectus est, sed Sextus iterum effugit. Hoc tempore ad Siciliam, quo copias navales exstrueret, venit. Caesare interfecto, Bruto Cassioque mortuis, Octavianus Sexto in medio inter se et Antonium oppugnabat. Sextus Octavianum apud Messinam vicit, sed a Marco Agrippa apud Naulochum superatus est. Sextus ad Asiam fugit, sed Mileti sine iudicio supplicio capitis affectus est.

De nummis

Sextus Pompeius ad stipendia militum solvenda aureos denarios aeneosque nummos emisit praecipue in Sicilia sed fortasse etiam, ut volunt nonnulli numismatistae iam antea in Hispania et Gallia meridionali. Illi nummi capite patris Pompei Magni insignes sunt necnon ceteris typis ad bellum navale pertinentibus: naves, pharos, tropaeum navale, deus Neptunus, tridens, delphinus. Inveniuntur quoque pii fratres Catanenses Amphinomos et Anapias parentes salvantes qui et ad pietatem filii erga patrem et ad ipsam Siciliam ubi Sextus versatur alludunt non minus quam monstrum Scylla in alio denario depicta.

Cognomina Pompeiana leguntur 'pius' et 'magnus' quibus adduntur tituli Sexti Pompei 'imperator' et 'praefectus classis et orae maritimae ex SC', qui titulus ei anno 43 a.C.n. a senatu adsignatus videtur. In primis denariis etiam nomen legati invenitur Quinti Nasidii.

In litteris

In Lucani carmine De Bello Civili Sextus in libro sexto comparet. Hic Sextus, qui cognoscere futurum vult, ad potentissimam Thessalidem proficiscitur ut Erichthonem consulat.

Fontes

• Appianus, libro quinto Bellorum civilium passim.
• Plutarchus, Vita Marci Antonii 32

Plura legere si cupis

• Bertrand Augier, "Sextus Pompée, un imperator (il)légitime à plus d’un titre : nouvelles interprétations autour de la titulature praef. clas. et orae marit. ex s. c.", Mélanges de l’École française de Rome, 2018: 451-466
• Jane DeRose Evans, "The Sicilian coinage of Sextus Pompeius (Crawford 511)", Museum Notes (American Numismatic Society), 1987: 97-157
• Giuseppe L. Ficocelli, "Sextus Pompeius and Sicily: Aretē, Virtus, and Leadership" in Ageless Arete: Selected Essays from the 6th Interdisciplinary Symposium on the Hellenic Heritage of Sicily and Southern Italy, 2022: 283-298 "
• Moses Hadas, Sextus Pompey, Columbia University Press, 1930 Recensio critica
• Guillaume de Méritens de Villeneuve, Les fils de Pompée et l’opposition à César et au triumvirat (46-35 av. J.-C.), Publications de l’École française de Rome, 2023
• Antonius Powell et Katharina Welch, Sextus Pompeius, Classical Press of Wales, 2002. 285pp.
• "Sex. Pompeius Magnus" in Gulielmus Smith (1844–1849). Dictionary of Greek and Roman Biography and Mythology [📖]. Londinii: Taylor & Walton vol. 3 pp. 489-492

Nexus externi

Vicimedia Communia plura habent quae ad Sextum Pompeium spectant.

• Nummi Sexti Pompei in Museo Britannico
• Horst Herzog, Im Zeichen des Neptun apud Muenzen Online.

David's face

Haec stipula ad biographiam spectat. Amplifica, si potes!