Receptaculum aquae Saratoviense

Hydroergasterium Saratoviense prope Balakovo urbem

Receptaculum aquae Saratoviense (Russice Саратовское водохранилище) est receptaculum aquae in Russia, aquis Volgae fluminis, quae versuram Samarensem his locis facit, impletum. Area receptaculi 1831 chm² est. Volumen receptaculi pleni 12,9 chm³ est, altitudo media 8 m, maxima autem 28 m. In regionibus Samarensi, Saratoviensi et Simbiriensi situm est.

Nomen receptaculi ab hydroergasterio Saratoviensi derivatum est, sed nec illud in Saratovia situm est Saratovia in ripa receptaculi huius nominis sita est. Prope Balakovo urbem hydroergasterium annis a 1956 ad 1970 construebatur et receptaculum annis 1967-1968 aqua implebatur.

Samara et Syzranum et Stauropolis ad Rha urbes in ripis receptaculi Saratoviensis stant. Zagra et Samara et Su fluvii in receptaculum aquam ferunt. Ripam receptaculi dextram silvisteppa, laevam steppa occupat.

Nexus externi

Situs geographici et historici: Locus: 52°3′5″N 47°45′19″E