Paulus Barras

Paulus Franciscus Ioannes Nicolaus, Vicecomes de Barras (natus Fox-Amphoux in vico die 30 Iunii 1755; mortuus Chaillot in regione Lutetiensi die 29 Ianuarii 1828) fuit politicorum peritus Francicus, qui Directorio interfuit.

Vita

Nobili genere natus velut succenturio minor ad Insulam Franciae et postea in Indiam Orientalem iit, ubi Anglos pugnabat. Militiis velut centurio valedicens Lutetiae licentiosus vitam libere egit, antequam anno 1789 politica nova inflammatus est. Oppugnationibus carceris Bastille (14 Iulii 789) et Palatii Laterariarum (10 Augusti 1792) interfuit. In Conventum electus factionis montanae sodalis factus est; Telo Martius oppugnatus est, seipso ductore. Die 27 Iulii 1794, vigilum armatorum Parisiensium dux creatus est, quo in munere copias Francisci Hanriot percussit et Maximilianum de Robespierre cepit.

Inde modestiorem se ostendit et multorum decapitationem suspendit. Die 5 Octobris 1795, Napoleonem generalem iuvenem adiuvit, ut manipuli regii vis frangeretur. Postquam Directorium institutum est partes maximi momenti egit e.g. ut mediator maecenatum Napoleoni benevolorum. Die 4 Septembris 1797 monarchiae fautores sibi adversarios removit, sed, quia nimis prodige nepotabatur, die 9 Novembris 1799 a Napoleone ipso depositus est. Tunc sese Boissy-Saint-Léger ad Castellum Grosbois contulit. Restauratione regia peracta, Chaillot in regione Lutetiensi latifundia sibi comparavit, ubi affluenter porro delargiebatur.

Commentarii de eius vita, quem quidam Duruy Lutetiae anno 1896 edidit, indistincti et ambigui sunt, atque historico valore egent.

Bibliographia

Mémoires de Barras, membre du Directoire. Publié avec une introduction générale, des Préfaces et des Appendices par Georges Duruy, 4 tomi; Lutetiae: Hachette, 1895–1896
Jacques Vivent: Barras: Le Roi de la République, 1755–1829; Lutetiae: Hachette, 1938
Arnold Steiniger: Ein Lebemann als Staatsmann. Der Vicomte de Barras, Deutsche Buch-Gemeinschaft, Berolini 1953
Jean Paul Garnier: Barras, le roi du Directoire, Lutetiae, Perrin, 1970
Éric Le Nabour: Barras, le vicomte rouge, Lutetiae, Jean-Claude Lattès, 1982
Pierre Temin: Barras, chef d’État oublié, ou: Le procès du vicomte à l’ail contre l’histoire, Genavae, Rousseau, 1992

Nexus externi

Vicimedia Communia plura habent quae ad Paulum Barras spectant.