Najib Tun Razak
Najib Tun Razak (natus die 23 Iulii 1953) est politicus Malaesiae. Filius est natu primus Abdul Razak Hussein, qui his annis secretarius civicus vicarius regni Pahang operam dedit atque primus minister Malaesiae meruerit. E stirpe nobili Pahang ortus, patre secutus, Najib Tun Razak unus est ex quattuor principibus illius regni, titulo Orang Kaya Indera Shahbandar [en].
Educatus est apud Institutum Sancti Iohannis Cualae Lumpuriae. Postea Collegium Malvern et universitatem Nottinghamiensem in Anglia frequentavit ubi anno 1974 in oeconomia industriali baccalaureatus est. Eodem anno in Malaesiam reditus, in negotiis implicatus, breviter apud argentariam nationalem [en], mox apud societatem petrolii Petronas a rebus publicis laboravit.[1]
A die 4 Maii 1982 ad 14 Augusti 1986 primus minister regni Pahang meruit. Iam antea in rebus nationalibus agens, legatus est parlamento Malaesiano a die 4 Maii 1982 ad 14 Augusti 1986, iterum a die 6 Octobris 1986 hodie usque. primus minister vicarius Malaesiae a die 7 Ianuarii 2004, primus minister a die 3 Aprilis 2009 usque ad 10 Maii 2018 fuit. Eisdem annis munere ministri a vectigalibus a die 23 Septembris 2008 decem fere annos functus est. Die 3 Iulii 2018, peculato publico culpatus, in custodiam datus est.[2][3]
Notae[recensere | fontem recensere]
Bibliographia[recensere | fontem recensere]
- Manuel Ausloos, "Najib Razak, l’ex-premier ministre malaisien, devrait être jugé en février 2019" in Le Monde (10 Augusti 2018)
- Thomas Bell, "Profile: To Najib Razak the Malaysian premiership may feel like a birthright" in Daily Telegraph (3 Aprilis 2009)
- Oliver Holmes, "Scandal-hit Malaysian PM Najib drops speech at anti-corruption conference" in The Guardian (4 Septembris 2015)
- Richard C. Paddock, "Malaysian Leader, Under Corruption Cloud, Will Meet With Trump" in New York Times (9 Septembris 2017)
Nexus externi[recensere | fontem recensere]
|
Vicimedia Communia plura habent quae ad Najib Tun Razak spectant. |
|
Lexica biographica: • Encyclopædia Britannica |
 | |
|
Tunku Abdul Rahman 1957 • Abdul Razak Hussein 1970 • Hussein Onn 1976 • Mahathir Mohamad 1981 • Abdullah Badawi 2003 • Najib Tun Razak 2009 • Mahathir Mohamad 2018 • Muhyiddin Yassin 2020 Capsae cognatae: Principes Malaesiae •Ministri rerum externarum Malaesiani | |