Museum de Re publica democratica Germanica (Apolda)

Museum de Re publica democratica Germanica (Theodisce: Olle DDR; ad litteras: Germania Orientalis delirans) invenitur Apoldae in Germania in via Bahnhofstraße 42 in pristino depositorio post pinacothecam sito.

Historia[recensere | fontem recensere]

Museum die 1 Octobris 1999 inauguratum die 29 Iunii 2020 portas suas reclaudere debuit. Nam societas fundatrix Erfordiensis EURATIBOR tunc impotentia solvendi percussa est. Olim inceptum istud maxime laudandum supportaverant et ministri districtus et agentura operaria foederalis. Itaque et nostris diebus opera maxima confertur ut res denuo modum in dignum praesententur.

Promptorum genus[recensere | fontem recensere]

Si in museum intraveris ad spatiationem trans vitam quotidianam in Re publica democratica Germanica agendam invitaberis: rerum spectandarum quindecies milia collectionem revera admirabilem effecerunt. Curatoribus in animo est ut (sub)ridendo veritas de vita sub communismo degenda narretur.

Musea talia ab hominibus diligenter creata sunt, qui res post annum 1990 citius ad purgamenta abiectas atque neglectas interitu servaverunt historiam posteris salvaturi. Apoldae in ista casa mira quasi in scaenis producuntur privata et non privata velut culinae, dormitoria, infantium cubilia, officinae medicorum, tabernae, fora, graphea administrantium). Quotannis insuper expositiones speciales factae sunt. Praeterea multa minora quoque magno studio in museo disposita admirationi prostant.

Mensibus inter Ianuario et Septembri 2022 pauca collectioni magnae erepta in Museo campanarum Apoldensi vulgo exhibentur.^[1]