Monasterium Superius Arnstadii

E Vicipaedia
Salire ad: navigationem, quaerere
Pristinum coenobium monialium OSB, in recessu turres Ecclesiae BMSV
Tecti res subtiliores
Frons septentrionalis

Monasterium Superius (Theodisce: Oberkloster) area coenobialis historica est media in urbe Arnstadii (in via Untergasse nr. 1/3).

Descriptio[recensere | fontem recensere]

Complexus in meridie Ecclesiae BMSV situs est, ubi olim erat Coenobium BMSV postquam moniales a montano coenobio Sanctae Walpurgi dicato anno 1309 in urbem transmigraverunt.

Domus anno 1521 constructa nonnullos annos erat pars coenobii Benedictinarum quod proper sic dictam Reformationem aboliverunt. In pedeplanis probabiliter aulula capitularis erat, in primo tabulato dormitorium. Apud frontem occidentalem restantia lapidea domus detecta sunt ita ut concludas hac olim alias partes adstructas fuisse. Omnino saecularis autem adstructio prima facta est anno 1564 cura domni Erasmi Kilian; circa annum 1700 parietes internos inserebant ad adaptandum totum ut hominibus habitationes commodae praeberentur. Isto tempore etiam angulus inter meridiem et orientem advenit et domus portarum, quae bene conservabatur usque hodie.

Xystus inter pristinum coenobium et citatum ianitoris casam reconstructus est anno 2009. Conclavia saeculi XVIII optime conservabantur et continue inhabitabantur.

Coenobium inferius[recensere | fontem recensere]

Coenobium sic dictum inferius anno 1564 constructum est muris antiquis adhibitis, genere craticio. Eius usus semper erat habitatio! Fastigium eius ornant figurae in rosis et crucibus decussatis. Inde ab anno 1822 carcer hic erat cum laboratorio pro captivis: in area subtegulanea videris usque nunc singulas captivorum cellas. Anno 2009 restaurationes amplissimae incohatae sunt et consilia de usu optimo proposita sunt (e.g. tamquam deversorium)

Nexus externi[recensere | fontem recensere]