Litterae Interlingue
 |
Haec commentatio vicificanda est ut rationibus qualitatis propositis obtemperet. Quapropter rogamus ut corrigas, praecipue introductionem, formam, nexusque extra et intra Vicipaediam. |
Magna pars litteraturae in lingua Interlingue (Occidentali) in revista officiali Cosmoglotta edita est. Interlingue lingua artificialis est quae ab Edgar de Wahl anno 1922 creata est. Notatur ut lingua naturalistica et regularis, quae mediam viam inter Esperanto et Ido, quae magis artificiales habentur, et Interlingua, quae nonnullas irregularitates continet, tenere intendit.[1]
Tempora litteraturae in Interlingue haec sunt:
- Primum tempus (1921–1927): Ab origine linguae ad translationem sedis Vindobonam.
- Tempus Viennense (1927–1949): A sede Vindobonensi ad mutationem nominis linguae.
- Tempus interruptionis (1950–1999): A mutatione nominis linguae ad primam creationem coetus Yahoo!.
- Reviviscentia in interrete (1999 ad hodiernum diem): A prima creatione coetus Yahoo! ad tempus praesens.
Primum tempus (1921–1927)
[recensere | fontem recensere]Prima editio Occidentalis cognita est liber Transcendent algebra, ideografie matematical, experiment de un lingue filosofic, a Jacob Linzbach anno 1921 editus. Attamen hic liber ut opus litterarium proprie dictum haberi non potest.[1]
Primum textum litterarium, qui in Cosmoglotta invenitur, est Hymne, a Kaarlo Hammar scriptus et a K. J. Saarinen e lingua Fennica in Kosmoglott anno 1925 translatus.[1]
Sequens opus litterarium in Supplemento Kosmoglott 1 (anno 1926) apparuit. Haec revista ad scribendas litteras et libros scientificos destinata erat. In primo numero duo poemata ex Goethe, ab A. Toman conversa, exstant: versus 48 (quamvis in Cosmoglotta 54 appareat) ex opere Vier Jahreszeiten et fragmentum e poema Wandrers Nachtlied.[1]
A. Toman etiam carmina ex Jaroslav Vrchlický transtulit.[1] Anno 1926 editum est Nationalism in Occidente, quod est versio primi capitis operis Nationalisme, a Rabindranath Tagore anno 1918 editi, ab A. Toman e lingua Anglica conversa.