Karin Kneissl
_(24876263787)_(cropped).jpg)
Karin Kneissl (Vindobonae nata die 18 Ianuarii 1965) est politica Austriae.
Patre aviatore iuxta regem Hussein, Karin Kneissl partim Philadelphiae in Iordania educata est. Alumna est universitatum Vindobonensis, Hierosolymitanae Hebraicae, Iordaniensis, et Georgiopolitanae. Apud ministerium rerum externarum Austriacum ab anno 1990 usque in 1998 operam dedit consiliariaque ministro Aloysio Mock meruit. Recentius diurnaria fuit apud ephemerides varias et apud radiodiffusorem Österreichischer Rundfunk. De rebus internationalibus docuit in academia diplomatica Vindobonensi et schola negotii Europaea iuxta Aquas Mattiacas. Ultimis annis cum factione libera Austriae nonnumquam consentiebat. Ad officium ministrae a rebus externis die 16 Decembris 2017 convocata est, primo ministro futuro Sebastiano Kurz.
Bibliographia
[recensere | fontem recensere]- Christian Ultsch, "Konservativer Freigeist auf dem Sprung zurück ins Außenamt: Karin Kneissl. Wie ein Shitstorm die Nahost-Expertin zur FPÖ trieb" in Die Presse (8 Decembris 2017)
- Mulieres
- Homines vivi
- Nati 1965
- Alumni Universitatis Vindobonensis
- Alumni Universitatis Iordaniensis
- Alumni Universitatis Hebraicae Hierosolymitanae
- Alumni Universitatis Georgiopolitanae
- Eruditi Austriae
- Incolae Iordaniae
- Politici Austriae
- Professores Academiae Orientalis et Diplomaticae Vindobonensis
- Professores Scholae Negotii Europaeae (Aquae Mattiacae)