Alexander Schallenberg

E Vicipaedia
Wikidata Alexander Schallenberg
Res apud Vicidata repertae:
Alexander Schallenberg: imago
Alexander Schallenberg: imago
Nativitas: 20 Iunii 1969; Berna
Patria: Austria

Familia

Genitores: Wolfgang Schallenberg;
Familia: Schallenberg family

Alexander Schallenberg (Bernae in Helvetia natus die 20 Iunii 1969) est legatus et iuris consultus Austriae.

E familia nobili de Schallenberg ortus, filius legati Austriaci Wolfgangi Schallenberg, in India, Hispania, Francia educatus est. Alumnus est universitatum Vindobonensis et Parisiensis II necnon collegii Europaei Brugis in urbe. Ab anno 1997 Bruxellis legatus iuxta unionem Europaeam operam dedit. Orator ministris a rebus externis Ursula Plassnik et Michaele Spindelegger ab anno 2006, consiliarius iuxta Sebastianum Kurz ab 2013 meruit. Die 3 Iunii 2019 ipse minister a rebus externis factus est, Birgitta Bierlein cancellaria.

Schallenberg ipse die 9 Octobris 2021, postquam Sebastianus Kurz infidelitate obiecta imperium abdicavit, cancellarius novus propositus est.[1] A die 11 Octobris usque ad diem 6 Decembris 2021 cancellarius foederalis Austriae fuit.

Bibliographia[recensere | fontem recensere]

Alexander Schellenberg (a sinistra parte) die 3 Iunii 2019 ab Alexandro Van der Bellen praeside in officium ministri a rebus externis inauguratus

Notae[recensere | fontem recensere]

Nexus externi[recensere | fontem recensere]

Vicimedia Communia plura habent quae ad Alexandrum Schallenberg spectant.
  • Vita apud situm ministerii rerum externarum