Ioannes Maria Roland de La Platière

E Vicipaedia
Jump to navigation Jump to search
Ioannes Maria Roland, vicecomes de la Platière

Ioannes Maria Roland de La Platière (natus die 18 Februarii 1734 in Thizy prope Villefranche-sur-Saône; mortuus in Bourg-Beaudouin iuxta Rothomagum die 10 Novembris 1793), oeconomiae peritus, fuit vir publicus Francicus inter Rerum Francicarum eversionem qui ad factionem quae dicitur Girumnensium pertinuit.

Vita[recensere | fontem recensere]

Roland antea inspector manufacturarum Ambiani fuit. Rebus novis Francicis explosis eius fuit inspectio manufacturarum atque fabricarum Lugdunensium. Anno autem 1790 ibi societatem localem Iacobinorum fundavit. Anno 1791 in parlamentum Parisiensem missus Girumnensium factionem praeferre coepit. Mense Martio 1792 ei officium de rebus internis translatum est. Rex Ludovicus XVI autem eius dimissionem ordonavit die 13 Iunii 1792, postquam litterae nimis insolentes publicatae sunt. Throno everso, quod factum est die 10 Augusti, Roland iterum pro citato ministerio operam navare potuit.

Iste vir et anarchistis in Factione Montana congregatorum et libertatum novarum suffocatoribus se opposuit. Cum Girumnenses mense Iunio 1793 de crimine laesae maiestatis accusati essent, Rolandum in carcerem conicere statutum est. Qui autem Rothomagum fugiens plebis Parisiensis furori se abstulit. Rothomagi de nece uxoris certior factus sibi morten conscivit. Uxor Manon Roland, cui nomen originale Mariae Ioannae, olim antiquitati classicae fervide studens rebus republicanis inflammata erat. Neque ista mulier fortis a decollatione abhorruit; scripsit »Mémoires« (Lutetiae 1820). Epistulas eius edidit Lutetiae anno 1867 Dauban.

Lege etiam[recensere | fontem recensere]

  • Alain Decaux, André Castelot (edd.): Grand dictionnaire d'histoire de France. Perrin, Lutetiae 1979.
  • Albert Soboul: Die große Französische Revolution. Ein Abriss ihrer Geschichte (1789 − 1799). 5a editio, Athenäum-Verlag, Francofurti ad Moenum 1988.
  • François Furet, Mona Ozouf (edd.): Kritisches Wörterbuch der Französischen Revolution. 2 tomi, Suhrkamp, Francofurti ad Moenum 1996.

Nexus externus[recensere | fontem recensere]

  • Roland oratio coram Conventu Nationali (Francogallice)
David's face Haec stipula ad biographiam spectat. Amplifica, si potes!