Ioanna Agnes a Cruce

E Vicipaedia
Jump to navigation Jump to search
Wikidata Ioanna Agnes a Cruce
Res apud Vicidata repertae:
Ioanna Agnes a Cruce: imago
Ioanna Agnes a Cruce: subscriptio
Nativitas: 12 Novembris 1651; Nepantla de Sor Juana Inés de la Cruz
Obitus: 17 Aprilis 1695; Mexicopolis
Patria: Imperium Hispanicum

Officium

Munus: poëta, soror, scriptor, mathematicus, philosophus, musicographus, scriptor scaenicus, moniale

Consociatio

Religio: Catholicismus

Memoria

Sepultura: Mexicopolis

Soror Ioanna Agnes a Cruce (Hispanice: Sor Juana Inés de la Cruz, seu Juana de Asbaje y Ramirez de Santillana) erat monacha, poetria, et dramatum auctrix Mexicana, quae nata est 12 Novembris anno 1651 in oppido Sancti Michaelis a Nepantla prope Amecamecam (in Civitate Mexico) defunctaque est vitae die 17 Aprilis anno 1695 Mexicopoli, quae urbs erat tunc temporis caput Proregni Novae Hispaniae. Ioanna fuit postrema inter praestantissimos scriptores illius litterarum Hispanicarum aetatis quae Aurea dicitur, quam ob rem Phoenix Americarum necnon Decima Musa est iam ab aequalibus suis cognominata.

Soror Ioanna Agnes a Cruce a Michaele Cabrera picta, anno 1750

Ante decimum aetatis annum linguam Mexicanam didicit ab indigenis qui prope oppidum eius habitabant. Fertur etiam eam linguam Latinam viginti tantummodo lectionibus didicisse. Quae cum esset puella admodum iuvenis, maximo studio insudavit permultis auctoribus Graecis et Latinis, necnon Patribus Ecclesiae. Postea, cum esset adulescens, in aula Prorregis Novae Hispaniae versari coepit, ut Proreginam Marchionam de Mancera comitaretur. Voluit tunc scholas in Universitate studiorum frequentare, sed cum feminae prohiberentur quominus accederent, monacha fieri decrevit. Ingressa est primum in conventum Carmelitarum ubi conata est vota profiteri, sed cum regula illius ordinis admodum esset severa, valetudine flaccescit; migravit dein ad Ordinem Sancti Hieronymi, cuius disciplina laxior videbatur, ubi reliquam vitam tranquille et beate peregit, poemata sacra pangens atque profana, carmina Nativitatis, dramata sacramentalia et duas comoedias, quamquam confessor eius, Iesuita Antonius Nuñez de Miranda, voluit eam prohibere ne scriberet neque cum hominibus saeculi comercium haberet, quam ob rem Soror Ioanna, sub auspicio Proreginae Marchionae de Laguna, eum postea confessorem repudiavit.

Nexus interni

Nexus externi[recensere | fontem recensere]

Wikidata-logo.svg Lexica biographica:  Treccani • Большая российская энциклопедия • Encyclopædia Britannica • Deutsche Biographie • Store norske leksikon