Ioachimus Phoenix
Ioachimus (vulgo Joaquin) Rafael Phoenix, prius Bottom, natus in Urbe Sancti Ioannis de Portu Divite die 28 Octobris anno 1974, est histrio et musicus Americanus, notus praesertim partibus obscurarum insolitarumque et singularium personarum, quas in pelliculis independentibus egit. Varia accepit praemia, sicut praemium Oscar, praemium Bafta, praemium Grammy et duo praemia Golden Globe.
Ioachimus Phoenix ineuntibus annis 1980 in seriebus televisificis cum fratre suo River prodiit. Ita vivendi cursum coepit. Primas partes maiores in pelliculis SpaceCamp (1986) et Parenthood (1989) egit.[1] Laudes criticorum habuit ob partes secundarias in comoedia-dramatica To Die For (1995) et pellicula historica Quills (2000).
Phoenix designationem habuit ad praemium Oscar ob optimi generis partes secundarias, in quibus personam Commodi egit in dramate historico Gladiator (2000). Etiam successum habuit pelliculis horrificis Signs (2002) et The Village (2004), dramate historico Hotel Rwanda (2004). Praemium Grammy, praemium Golden Globe, et designationem ad praemium Oscar ob optimi generis partes, in quibus personam Ioannis Cash egit in pellicula biographica Walk the Line (2005).
Phoenix post brevem vacationem in dramate psychologico The Master (2012) egit, et Poculum Volpi reportavit optimi generis histrio ac tertiam designationem ad praemium Oscar obtinuit. Laudes habuit partibus in dramate romantico Her (2013) et satira criminali Inherent Vice (2014). Festi Canuensis praemium histrionis optimi generis ob thriller psychologico You Were Never Really Here (2017) reportavit.
Etiam Summer Phoenix, soror natu minor est actrix, et River Phoenix frater natu maior fuit histrio magni aestimatus, donec hic repente anno 1993 mortuus est 23 tantum annos natus.
Pelliculae selectae
[recensere | fontem recensere]Notae
[recensere | fontem recensere]- ↑ In his pelliculis ei nomen Leaf Phoenix tributum est.