Vicipaedia:Glossarium nauticum

Index
Cacumen - 0-9 A B C D E F G H I J K L M N O P Q R S T U V (W) X Y Z

A

Antennae navis Dewarci nomine.

• Agea: via in navi (cf. forus).
• Alveus: corpus cavum navis.
• Antenna seu antemna: pertica transversa et versoria, qua velum alligatur.
• Aplustrum seu aplustre: Tempore romano, extremum puppis recurvum ornatum. Aevo novo: ornamentum mali, seu vexillum, aut triton, ventis observandis.
• Arbor: vide sub voce malus.

C

• Casteria: locus ubi remiges, cum eis nullum sit opus, requiescunt.
• Carchesium: suprema mali pars, cum forma poculi.
• Carina: spina infima navis.
• Caverna: corpus cavum navis.
• Classis: multitudo navium
• Clavus: manubrium vel vectis gubernaculo ut moveatur affictum.
• Columbarium: locus concavus, seu finestra, in summis lateribus navium, per quem eminet remus.
• Constratum: tectum navis.
• Cornu: extremum antennae.
• Costa: vide sub voce statumen.

F

• Forus: tabula angusta per quam nautae cursant (cf. agea).

G

Gubernaculum Romanum.

• Gubernaculum: Instrumentum quod a tergo huc atque illuc cursum navigii torquet. Tempore Romano formam habuit magni remi, sed serioribus aetatis magni folii lignei a tergo afficti, et sub aqua porrecti.

I

• Insigne
  1. Signum ex quo navis facile agnosci potest.
  2. Signum quo nautae a longinquo nuntios transmittere et legere possunt.
• Interscalmium: intervallum salmorum seu spatium inter remiges.
• Iugum: vide sub voce transtrum.

M

Malus navis nomine Mercator.

• Malus seu arbor: trabs verticalis quo appenduntur antenna et velum.

O

• Oculus
  1. Antiquitus, imago oculi in prora depicta. Serioribus aevis nonnumquam scutum vel locus cui navis nomen inscribebatur.
  2. Foramen per quod ancorae funis ducitur.

P

• Pharus: turris quae lucendo naves prope litora pericula monet.
• Prora: pars prior navis.
• Puppis: pars posterior navis.

R

Remi

• Remus: baculum cum palma lata quo remigantibus pellitur navis.
• Rostrum: armamentum arieti bellico similis prora affictum.
• Rudens: funis nauticus.

S

• Saburra: harena qua repletur infima pars navis, ad stabiliorem cursum, ut firmius innet navis.
• Scalmus: Scalmi sunt clavi inter quos insidunt vel quibus sunt annexi remi.
• Statumen seu costa: ligna interius arrecta, quae navis latera costarum instar suppingunt.

T

• Transtrum seu Iugum:
  1. Transtra et tabulae navium dicuntur et tigna, quae ex pariete in parietem porriguntur.
  2. Sedile remigum.
• Tutela: imago numinis navem protegentis. Tutelam solebant antiqui aplustro affigere, sed serioribus aetatibus figura similis ad proram praefigebatur.

V

• Velum: pannus latus qui ventos capiat, ut navis propellatur.

Nexus externus

• Pagina Lexicographica: de Navibus et Navigatione, apud Melissam.