Familia Sancti Hieronymi

Sanctus Hieronymus, patronus associationis.

Familia Sancti Hieronymi (Anglice Family of Saint Jerome) Clearwater in urbe Floridiana a circulo laicorum Catholicorum congregantium circa Sacrarum Scripturarum peritissimum patrem Suitbertum Siedl, carmelitam discalceatum Vindobonensem anno 1989 fundata est. Quae sodalitas approbationem ecclesiasticam habet.

Scopi sodalitatis

Petitur a membris sodalitatis, ut vitam spiritalem degant, nostra lingua adiuvante. Sublineatur Concilium Vaticanum Secundum minime abolivisse Latinum tamquam linguam liturgicam. Membra insuper oportet vivant in unione plena firmaque cum instructionibus Summi Pontificis. Sermonem Romanorum colant non tantummodo rebus in religiosis sed etiam vivo quotidiano usu. Fundamentum notionum earum iacet i.a. in pluribus feriis quae dicebantur Latinis, quae celebrabantur annis 1980/1990 in variis terris Europaeis sub praesidio Operis fundati "Latinitas" Vaticani. Nunc proprii sodalitatis conventus (praesertim) aestivi nuncupantur "Cenacula".

Nexus interni

• Lingua Latina Ecclesiastica

Nexus externi

Lege Οἰκογένεια τοῦ Ἁγίου Ἱερωνύμου ("Familia Sancti Hieronymi") apud Vicipaediam lingua Graeca antiqua scriptam

• Sodalitatis paginae interretiales, linguis Latina et Anglica exaratae
• Situs proprius Miamiensium, linguis Latina/Anglica/Hispanica confectus
• Opus fundatum Latinitas Romae
• Constitutio apostolica Papae Ioannis XXIII. titulo "Veterum sapientia" qua Latinitas ecclesiastica glorificatur
• Eadem apostolica constitutio in linguam Anglicam conversa
• Narratio de cenaculo quodam in periodico Latin Mass magazine, autumni 2015