Desertum Namibense

Thinium quod septimum nominatur. altissimum thinium in orbe terrarum

Desertum Namibense, vulgo Namib, est desertum magnum in Africa Austrina. In litore Oceani Atlantici extensum est in 1900 chm ab Angolia australi per Namibiam totam ad rei publicae Africae Australis partem borealem. Area desertorum circa 100 milia chiliometrorum quadratorum est.

Duo flumina sola desertum Namibense transeunt, Aurantium et Cunene, ceteri amnes ad mare non perveniunt, in arenis perduntur vel sub terram abeunt; sed plantae rarissimae et insecta quaedam endemica e rore denso ab Oceano collecto aquam extrahere possunt. Solum frugiferum plane abest, arena ad litus grisescens, in partibus interioribus ferruginosa et rufa est; in thinia altissima ventis colligitur.