Circulus Terrae Altenburgensis
Circulus Terrae Altenburgensis[1][2] (Theodisce Kreis Altenburger Land) est circulus terrae in Thuringia situs. Caput et sedes administrativa Altenburgum in Misnia est. Magni momenti sunt etiam urbes Zmulna et Gößnitz.
Situs geographicus
[recensere | fontem recensere]Inter omnes Thuringiae circulos, Terra Altenburgensis maxime in oriente iacet et 569 chiliometra quadrata complet. Mense Decembri anni 2013 circa 94 milia incolarum habuit. Gaudent homines optimis habitatoriis circumstantiis, proximitate ad centra urbana (e.g. Lipsiae) in Saxonia et Saxonia-Anhaltio sita, condicionibus circulatoriis optimis. Patet terra insuper institoribus omnibus pecuniam collocaturis.
Oeconomica
[recensere | fontem recensere]In Terra Altenburgensi res oeconomicae magis magisque florent. Domus confectrices multa nova efficientes (quoad machinas, constructionem autoraedariam, technicam plasticam, alimenta), lacus structiles energiam producentes, agricolae agros colentes opulentiam praestant.
Res periegeticae
[recensere | fontem recensere]Et natura ambiens perpulcra (lacuum, silvarum, arvorum, retia birotaria) et cultus civilis vestigia (musea in urbe Altenburgi et alibi, spectacula musicae, theatra, antiqua fabrorum artificum opificum ingenia renata) homines generis varii in terram alliciunt.
Notae
[recensere | fontem recensere]- ↑ Fingitur nomen "Circulus Terrae Altenburgensis" -Theodisce Landkreis Altenburger Land nuncupatum- sic: Latinum substantivum "circulus" Theodiscum substantivum Landkreis (secundum Lexicon Latinum Hodiernum, auctore Petro Lucusaltiano Latinophilo) et Latinum "terra-ae" Theodiscum Land vertit et Latinum gentilicum "Altenburgensis-e" ad Altenburgum refertur.
- ↑ J. G. Th. Graesse, Orbis Latinus (Dresdae: Schönfeld, 1861; 1909. Brunsvici, 1972, 3 voll.) 1 (A–D), 2 (E–M), 3 (N–Z)