Chandrikapersad Santokhi

Res apud Vicidata repertae:

Nativitas: 3 Februarii 1959; Lelydorp
Patria: Surinamia

Familia

Coniunx: Mellisa Seenacherry

Chandrikapersad vel brevius Chan Santokhi (apud Lelydorp pagi Suriname die 3 Februarii 1959 natus) est vigil et politicus Surinamiae.

Filius operariorum ex India oriundorum, religione Hinduica, Chandrikapersad Santokhi Paramaribo in urbe apud scholam mediam generalem educatus est. Ab 1978 usque ad 1982 Apeldornii Nederlandiae in Academia Vigilium eruditus est. In patriam reditus vigil opeeram dedit in pagis Geyersvlijt et Wanica; mox autem Paramaribo missus rector tabularii criminalis nationalis, deinde ab anno 1991 commissus vigilium principalis meruit. Minister iustitiae fuit a die 1 Septembris 2005 usque in 13 Augusti 2010, praeside Ronaldo Venetiaan.

Commissus iam inquisiverat de caedibus Decembribus anno 1982 sub regimine militari peractis. Minister igitur iudicia tenere coepit, quibus inter primos Desi Bouterse, olim dictator, inculpabatur; qui denuo, praeses merens, anno 2019 damnatus est. Chan Santokhi ipse, Desiderato Bouterse successor, die 16 Iulii 2020 praeses inauguratus est.

Bibliographia[recensere | fontem recensere]

"'Misdaadbestrijding Suriname op de tocht'" in De Telegraaf (13 Augusti 2010)
Stieven Ramdharie, "De meest bedreigde man van Suriname" in De Volkskraant (2 Octobris 2007)
Leonoor Wagenaar, "Crimefighter met lef" in Parbode (1 Decembris 2006)

Nexus externi[recensere | fontem recensere]

Lexica biographica: • Black Past

Praesides Surinamiae


Iohannes Ferrier 1975 • Hendricus Chin A Sen 1980 • Fridericus Ramdat Misier 1982 • Ramsewak Shankar 1988 • Iohannes Kraag 1990 • Ronaldus Venetiaan 1991 • Iulius Wijdenbosch 1996 • Ronaldus Venetiaan 2000 • Desideratus Bouterse 2010 • Chan Santokhi 2020 Opus geopoliticum • Duces civitatum Americanarum hodiernarum Capsae cognatae: Ministri rerum externarum Surinamenses