Calibanus (planta)

E Vicipaedia
Jump to navigation Jump to search
Monocotyledones 
Ordo : Asparagales 
Familia : Asparagaceae 
Subfamilia : Nolinoideae 
Genus : Calibanus 
   
Subdivisiones: Species
Vide commentarium.

Calibanus est genus cui sunt binae plantarum florentium species, ambae sempervirentes plantae succulentae in aridis Mexici regionibus endemicae. Genus per APG III classificationis systema in subfamiliam Nolinoidearum (olim Ruscacearum) familiae Asparagacearum digeritur.[1] Olim autem inter Agavaceas (nunc Agavoideas) perscriptum, nunc ab eis separatur, quia polycarpicum et dioecium est. Nomen monstrum Calibanum, antagonistam in The Tempest, ludo scaenico Shakesperiano, dicit.

Planta siccitatem optime tolerat, habitu cunctanter crescens. Cui sunt radices tuberosae, caudices appellatae. Caudex ad 1 metrum latum crescere potest, fasciculis foliorum venetorum, grossorum, graminiformium, filamenti metallici similium, 50 centimetra longorum, ex medio orientium et vetustate nutantium praeditus. Fascicula florum perparvorum et cremeorum, aliquando roseorum vel purpureorum tincta, sunt rigida, circa 10–20 centimetra longa. Plantae femineae baccas ferunt globosas, ovoideas, terangulatas, seminibus rotundis praeditas.

Species[recensere | fontem recensere]

Notae[recensere | fontem recensere]

  1. M. W. Chase, J. L. Reveal, et M. F. Fay (2009), "A subfamilial classification for the expanded asparagalean families Amaryllidaceae, Asparagaceae and Xanthorrhoeaceae," Botanical Journal of the Linnean Society 161(2):132–136, doi=10.1111/j.1095-8339.2009.00999.x.

Nexus externi[recensere | fontem recensere]

Commons-logo.svg Vicimedia Communia plura habent quae ad Calibanum spectant (Calibanus, Beaucarnea).
Wikidata-logo.svg Situs scientifici: Tropicos • GRIN • NCBI • Biodiversity • Encyclopedia of Life • Plant Name Index