Coordinata: 43°0′27″N 1°10′57″E / 43.0075°N 1.1825°E / 43.0075; 1.1825

Audinac

E Vicipaedia
Jump to navigation Jump to search
Deversorium thermarum Audinac hodie visum

Audinac, interdum Audinac-les-Bains, est vicus communis Montjoie-en-Couserans. Fuit olim commune a se ipso. Ibi ab anno circiter 1830 ad 1950 thermae frequentabantur.

Thermae Audinac saec. XIX exeunte

Aquae medicatae e duobus fontibus fluunt, videlicet Source des Bains ("fons balneorum") temperatura circiter 22° et Source Louise frigido. Aquis thermarum saeculo XIX medio analysatis, e fonte balneorum praebebantur magnesiae chloridi 0.008 gr, calcis carbonati 0.200 g, magnesiae carbonati 0.010 g, calcis sulphati 1.117 g, magnesiae sulphati 0.4496 g, ferri oxidi 0.003 g, manganesi oxidi 0.008 g, natri silicati 0.020 g, acidi carbonici 0.079 g, gasis azoti 96.50 g, gasis oxygeni 1.50 g, gasis acidi carbonici 2.0 g per litrum.[1]

Deversorium thermarum (vide imaginem nostram), a Chambert praefecturae architecto designatum, his verbis Francogallicis anno 1851 describitur:

A droite, en entrant dans le bâtiment de l'hôtel par l'escalier de l'avenue, se trouvent un grand salon de réunion, une salle de musique et de billard; du côté gauche s'étend le salon de la table d'hôte ... Le corps de bâtisse à droite se compose de quatre étages, formées chacun d'une rangée de cinq fenêtres ... Du haut du balcon de la grand'salle on doimine le vallon d'Audinac, dont l'autre extrémité offre en perspective le nouvel établissement des bains, élégant et grandiose.[2]
"Gestatio fontium" (Allée des sources) inter hortos thermarum saec. XIX exeunte

Ipsae thermae annis 1830 vel 1840 aedificatae sunt. Inter deversorium et thermae patebant horti, a Fraïsse horticultore Tolosano stylo Anglico elaborati, lacusque e novo excavatus, insula medio posita.

Notae[recensere | fontem recensere]

  1. Maximus Durand-Fardel, Dictionnaire général des eaux minérales et d'hydrologie médicale (Lutetiae, 1860) vol. 1 p. 141
  2. Castillon (1851) p. 218

Bibliographia[recensere | fontem recensere]

Lacus thermarum Audinac saec. XIX exeunte
  • H. Castillon, Histoire d'Ax et de la vallée d'Andorre, avec des notices historiques sur les bains d'Ussat et d'Audinac. Tolosae, 1851 Textus apud Gallica

Nexus externi[recensere | fontem recensere]

Commons-logo.svg Vicimedia Communia plura habent quae ad Audinac spectant.