Arthurus Ransome

Arthurus Michell Ransome (vulgo Arthur Michell Ransome, natus die 18 Ianuarii 1884, mortuus Heald Green die 3 Iunii 1967) fuit scriptor diurnariusque Anglicus. Ledesiae natus, in Schola Rugbeiensi educatus, Londinium iit, ubi de humani cultu urbis scribere coepit. Anno 1909 Ivy Constantiam Walker in matrimonium duxit. Anno 1912 vitam Anscharii Wilde edidit, propter quam ab Alfredo Douglas libelli famosi accusatus in ius vocatus est; Ransome autem causam vicit. Anno 1913 in Russiam iit, ubi collectionem fabularum popularium scripsit. Sequenti anno commentarios de Primo bello mundano modo erupto pro diurnario The Daily News scripsit. Deinde Res novas Russicas in commentariis librisque descripsit. Amicus erat Vladimiri Lenin, Leonis Trotskij, ac praesertim Caroli Radek, sed etiam nuntios procuratoribus Britannicis MI5 praebuit. Anno 1924 divortium cum Ivy fecit et feminam Russicam Eugeniam Petri filiam Shelepina duxit, quacum Tallinnae vixit. Deinde in Angliam regressus se cum uxore collocavit in Regione Lacuum, ubi opera notissima scripsit, series librorum puerilium Swallows and Amazons de pueris Anglicis, qui navigant in lacubus et cogitatione utentes magna incepta sibi creant.

Opera selecta

1916: Old Peter's Russian Tales (Fabulae Russicae Petri senis)
1919: Six Weeks in Russia (Sex hebdomades in Russia)
1930: Swallows and Amazons (Hirundines et Amazones)
1931: Swallowdale (Valles hirundinum)
1932: Peter Duck (Petrus Duck)
1933: Winter Holiday (Feriae hiemales)
1934: Coot Club (Societas fulicarum)
1936: Pigeon Post (Tabellarii columbini)
1937: We Didn't Mean To Go To Sea (In mare ire non cogitabamus)
1939: Secret Water (Aqua occulta)
1940: The Big Six (Magni sex)
1941: Missee Lee
1943: The Picts and the Martyrs
1947: Great Northern? (Gavia immer?)
1988: Coots in the North (Fulicae in septentrione; liber imperfectus, a Hugone Brogan post mortem auctoris editus)

Brogan, Hugh. The Life of Arthur Ransome. Londinii: J. Cape, 1984.
Chambers, Roland. The Last Englishman: The Double Life of Arthur Ransome. Londinii: Faber and Faber, 2009.
Hammond, Wayne G., editor. Arthur Ransome: A Bibliography. New Castle, DE: Oak Knoll Press, 2000.