Toga

Vir qui togam gerit

Toga (-ae, f.) est vestimentum a viris Romanis (et tempore priori a feminis Romanis necnon et Etruscis) gestum, ex magno hemicyclio texti lanei non tincti factum. Nomen 'toga' eandem radicem ac verbum 'tegere' habet. Apud Aeneidem Vergilii (1.282) Iuppiter, cum Veneri Romam conditum iri polliceatur, Romanos "gentem togatam" vocat. In hoc vestimento elementa Etrusca Graecaque coniuncta sunt.

Genera togarum

• Toga pura vel libera vel virilis, a Romanis liberis gesta
• Toga praetexta, clavo purpureo ornamenta, a quibusdam magistratibus gesta necnon pueris puellisque
• Toga candida, ab eis gesta qui honores petiverunt
• Toga picta, i.e. acu picta, a ducibus gesta qui triumphum celebrabant
• Toga pulla, a viris lugentibus gesta

Vide etiam

• Vestimenta
• Toga virilis sumpta, pictura muralis Pompeiiana