Titus Veturius T.f. Geminus Cicurinus
Titus Veturius T.f. Geminus Cicurinus (nescimus, quando natus, quandove mortuus est) senator ac vir consularis Romanus saeculi quinti a.C.n. erat.
Familia[recensere | fontem recensere]
Titus filius Titi Veturii Gemini Cicurini fuit, qui anno 494 a.C.n. consul Romanus erat.
Cursus honorum[recensere | fontem recensere]
Veturius anno 462 consul creatus est et feliciter contra Aequos et Volscos pugnasse traditur, ita tamen ut senatus ovationem tantum ei decerneret, cum collega Lucius Lucretius T.f. Tricipitinus triumpharet[1]. Anno 451 in collegium decemvirorum legibus scribundis electus est[2].
Notae[recensere | fontem recensere]
- ↑ Titus Livius, ab urbe condita, III 8,2 - 20,4
- ↑ Der Neue Pauly, Stuttgardiae 1999, T. 12/2, c. 156
| Antecessores: Publius Servilius Sp.f. Priscus et Lucius Aebutius T.f. Helva |
Consul 462 a.C.n. cum Lucio Lucretio T.f. Tricipitino |
Successores: Publius Volumnius M.f. Amintinus Gallus et Servius Sulpicius Camerinus Cornutus |