Schola Americana Taipeiensis

E Vicipaedia
Salire ad: navigationem, quaerere

Schola Americana Taipeiensis (Anglice Taipei American School, Sinice simplificato: 台北美国学校; Sinice translaticio: 台北美國學校; Hanyu pinyin: Táiběi Měiguó Xuéxiào; Wade-Giles: T'ai-pei Mei-kuo Hsüeh-shiao; acronymo TAS) est schola privata internationalis Taipeii in insula Formosa sita, quae eruditionem modo Americano graduum 0-12 rei publicae Sinarum peregrinis pueris puellisque praecipue Americanis praebet. Discipuli huius scholae hodie 2200 numerantur, quae dividuntur in tres scholas: inferam (786), mediam (567), et superam (862). Fere octoginta et octo centessimae discipulorum graduatorum ad studiorum universitates et collegia eunt.

Schola anno 1949 eo proposito fundata est, ut militum Americanorum in Taiwania constitutorum pueri puellaeque erudiantur. Anno 1979 autem cum tractatus diplomatici inter Civitates Foederatas et Rem publicam Sinarum rupti sunt, schola in scholam privatam internationalem facta est, administratam ab Opere Fundato Scholae Americanae Taipeiensis sub contractu ad Americanum Taiwaniae Institutum, quod fere sicut legatio CFA inofficialis in Taiwania fungitur.