Aulus Cornelius P.f. Cossus Arvina

E Vicipaedia

Aulus Cornelius P.f. Cossus Arvina (quando natus, quando mortuus sit, nescimus) vir publicus Romanus patricius quarti saeculi a.C.n. fuit.

Cursus honorum[recensere | fontem recensere]

Arvina anno 353 a.C.n. primo magister equitum erat, tum dictatoris Titi Manlii L.f. Imperiosi Torquati, qui contra Etruscos milites duxit[1]. Eodem officio eodem dictatore anno 349 fungebatur: Cum alter consul - Appius Claudius P.f. Crassus Inregillensis - mortuus esset et Galli iterum Romam aggrederentur Manlius dictator nominatus est[2].

Anno 343 primum consulatum gessit, una cum Marco Valerio M.f. Corvo. Hic annus initium bellum Samnitum fuit[3], cum Capua urbs Campaniae a Samnitibus oppressa Romanos auxilio vocavisset. Arvinam ab hoste petito Publius Decius Q.f. Mus servabat. Tum Samnites vicit et ex eis triumphavit[4].

Anno 322 consul II cum collega Gnaeo Domitio Cn.f. Calvino electus est. Eo anno et fama impetus Gallorum allata est, ut Marcus Papirius L.f. Crassus dictator nominatus est[5].

Anno 322 dictator nominatus esse et Samnites vicisse dicitur, sed haec res incerta est[6]. Anno 320 Arvina Fetialis fuit, qui Spurium Postumium Albinum consularem, qui iniussu populi cum Samnitibus anno superiore pacemfecerat, eis traderet[7].

Notae[recensere | fontem recensere]

  1. ↑ Titus Livius, ab urbe condita, VII 19,6-10
  2. ↑ op.cit., VII 25
  3. ↑ op.cit., VII 28,9-29
  4. ↑ loc. cit., cap. 32-38
  5. ↑ op.cit., VIII 17,5-6
  6. ↑ op.cit., VIII 38
  7. ↑ op.cit., IX 10,8

Nexus externi[recensere | fontem recensere]


Antecessores:
Gaius Marcius L.f. Rutilus III et Titus Manlius L.f. Imperiosus Torquatus II 		Consul
343 a.C.n.
cum
Marco Valerio M.f. Corvo III 		Successores:
Quintus Servilius Q.f. Ahala III et Gaius Marcius L.f. Rutilus IV


Antecessores:
dictator: Publius Cornelius Rufinus (primus annus dictatoris) 		Consul
332 a.C.n.
cum
Gnaeo Domitio Cn.f. Calvino 		Successores:
Gaius Valerius L.f. Potitus Flacus et Marcus Claudius C.f. Marcellus
Receptum de "https://la.wikipedia.org/w/index.php?title=Aulus_Cornelius_P.f._Cossus_Arvina&oldid=2452803"