Walton Bridge (Canaletto)
"Walton Bridge" ("pons iuxta Walton") est tabula anno 1754 ab Ioanne Antonio Canal (Canaletto) picta, hodie in suburbiis Londiniensibus in Pinacotheca Dulwichiensi servata. Una est e serie imaginum ab hoc pictore confectarum illis annis, a 1748 ad 1754, quibus in Anglia habitabat. Hic se ipsum depinxit qui ad ripam sedet pontemque delineat; effigies addidit patroni Thomae Hollis cum amico Thoma Brand.
Architectus pontis veteris Waltoniensis fuit Gulielmus Etheridge.