Usor:Coemgenus5833/Pediludium

Haec versio in progressu paginae Pediludium macris annotata: emendationes amabo!

Pedilūdium (Anglice: association football, football, vel soccer, ex association vel societās + suffixum Anglicum -er) est lūdus quō duae manus ūndēnōrum hominum certantes folli globōsō lūdunt. Saeculō vīcēnsimō ūnō ineunte, plūs quam 250 000 000 lūsorēs in plūs quam dūcentis cīvitātibus pedilūdiō ludēbant, quod ergō erat lūdus populō orbis terrārum grātīssimus.

Lūsōribus bracchiīs follem tangĕre vetātur, "iānitore" (vulgo portero, goalkeeper, goalie, goleiro, gardien, portiere etc.) exceptō, cuius officium est follem lūsōrium ā mētīs dēfendĕre.

Pedilūdium saeculō ūndēvīcēnsimō ab Anglīs quidem inventum est, sed ab hominibus in omnibus ferē cīvitātibus luditur. In Eurōpam continentalem pedilūdium prīmus omnium transtulit Conrādus Magīrus, magister linguārum veterum Brunsvicensis.

Lūsus

Pedilūdium ā duōbus gregibus in agrō cōnfinitō luditur, arbitrō iūdicānte. Obiectum prīmum lūsus est follem in mētam rēticulātam calcitrāre ut punctī obtineāntur. Post nōnāgintā minūtās, manus plurēs punctōs habēns vincit.

Manus pedilūsorius ūndecim lūsōrēs continet. Solent esse quattuor dēfēnsōrēs, quī manent parte in extrēmā agrī ut mētam suam custōdiant. Sunt duō offensōrēs, quī manent parte in fronte agrī, prope metam alterius manus et follem immittĕre in metam adversariam conentur. Sunt quattuor lūsōrēs quī manent mediā in parte agrī ut ceterīs gregalibus omnibus auxiliō sint. Etiam manui est ūnus iānitor, quī propē mētam manet ut follem prohibeat quōminus intret.

In mediā parte agrī arbiter follem ponit, et cum signat competītōribus follem licet calcitrāre ut lūdus incipiātur. Follīs traditur inter pedibus nē altera manus subripiat, ut follem moveant ad mētam alterius manus, ut immittĕre in mētam cōnēntur.

Tantum iānitorī licet manibus utī; ceterīs autem lūsōribus licet sōlum pedibus utī. Sī competītor follem tangit manibus sīve bracchiīs, hōc poena gregī est et possessiō commūtātur alteri gregī ut follis reducātur calcitrandō liberō.

Follis intrā cōnfīnium manēre debet. Sī lūsor efficit ut follis ex obliquis agrī finibus exeat, hōc poena manui est et possessiō commūtātur alteri manui quō lūsorī licet tenēre follem manibus ut follem ad agrum iacendō super caput ambabus manibus follem tangentibus reducat. Sī lūsor efficit ut follis ex finibus post metam exeat, hōc poena manui est et possessiō commūtātur alteri manui quō follis pōnēntur in angulō cōnfiniī ut follis reducētur calcitatū angularī.