Universel araigne

Ludovicus XI Ordini Sancti Michaelis anno 1470 praesidens

L'universel araigne (locutio Francogallica media, scilicet "araneus universalis") est cognomentum regi Francorum Ludovico XI propter multiplicia furtivaque consilia ei attributum.

Locutio primum in carmine politico legitur, sine titulo, sine auctore in manuscriptis saeculi XV servata (incipit Souffle, Triton, en ta bucce argentine) his versibus:

Ay combattu l'universel araigne

Qui m'a trouvé par ses rébellions

Lyon rampant en crouppe de montaigne.

Istis verbis responsum fit ad carmen paulo anterius a Georgio Castellano, poëta et historico Burgundo, scriptum (titulo Le Lyon rampant, incipit Lyon rampant en crouppe de montaigne). A recentioribus responsum anonymum (ergo et locutio) saepe eodem auctore quam carmen primarium adscribitur, videlicet Georgio Castellano, sed sine probabilitate.

Bibliographia

• J. Kervyn de Lettenhove, ed., Oeuvres de Georges Chastellain. 8 voll. Bruxellis: Devaux, 1863-1866