Latinitas bona

Summa sententiarum

E Vicipaedia
Jump to navigation Jump to search
Nulla Vicipaediae Latinae pagina huc annectitur.
Quaesumus in alias commentationes addas nexus ad hanc paginam relatos. Quo facto hanc formulam delere licet.
Interpretationes vernaculae

Summa sententiarum (inter 1138 et 1141 confecta), ut dicitur, sex tractatibus theologicis constat, quorum primus de tribus virtutibus theologalibus, sancta Trinitate et Incarnatione Verbi, secundus de creatione et statu angelicae naturae, tertius de creatione statuque humanae naturae, quartus de sacramentis in generali et praeceptis divinis, quintus de sacramento baptismi, et sextus de sacramento confirmationis, eucharistiae, paenitentiae et extremae unctionis tractat. In pluribus codicibus et in Patrologia Latina septimus tractatus de coniugio invenitur, qui a Gualterio de Moritania compositus est.

Alii codices summam sententiarum Hugoni Sancti Victoris expliciter ascribunt, sed in hac attributione errare nunc ab omnibus agnoscuntur. Alii certe cuidam Hugoni ascribunt, sed de cognomine silent, quam ob rem Marcel Chossat auctorem Hugonem de Moritania et non Hugonem Sancti Victoris esse proposuit, sed haec attributio maxime dubitanda est. Alii Odoni episcopo Lucensi ascribunt, quae attributio correcta esse potest, quamvis paululum super hunc Odonem sciatur.

Fontes ex quibus auctor huius operis hausit includunt Summam de sacramentis Hugonis Sancti Victoris, Tractatum de Trinitate Gualterii de Moritania, sententias quae cum verbis "Deus itaque summe" incipiunt, et fortasse sententiae quae cum verbis "Principium et causa omnium" incipiunt (Sententiae Anselmi).

Maior pars Summae sententiarum in quattuor libros sententiarum Petri Lombardi incorporata est. Hoc opere quoque Magister Rolandus Bononiae usus est.

Lege etiam[recensere | fontem recensere]

  • Gastaldelli, Ferruccio. “La ‘Summa sententiarum’ di Ottone da Lucca: Conclusione di un dibatto secolare.” Salesianum 42 (1980): 537-46.
  • Wielockx, Robert. “La sentence ‘De caritate’ et la discussion scolastique de l’amour.” Ephemerides theologicae Lovanienses 58 (1982): 50-86, 334-54; 59 (1983): 26-45.

sine pondere critico:

  • Chossat, Marcel. La Somme des Sentences: Oevre de Hugues de Mortagne vers 1155, avec préface et introduction par J. de Ghellinck, S.J. Spicilegium Sacrum Lovaniense, Études et Documentes 5. Louvain: “Spicilegium Sacrum Lovaniense” Bureaux, 1923.


Bullet blue.png De hac re nexus intervici usque adhuc absunt. Adde, si reppereris.