Potus e radicibus

Fasciculus:Rootbeerfoam.JPG

Cervisiae radicalis spumantis poculum.

Cervisia radicalis (Anglice: Root Beer) non est vera cervisia, sed potio dulcis et spumans Americanis, praesertim parvulis, grata, nullo pacto inebrians, ex vanilla, cerasi cortice, glycyrrhiza, sarsaparillae radice, radice sassafrae, nuce muscato, aniso, et mellaceo sacchari inter alia concocta, sed aliis cervisiis radicalibus alia praecepta. "Radicalis" dicitur causa radicum inter impensa, sed hodie raro fit e veris radicibus.

Aliae herbae quae nonnumquam cervisiis radicalibus adduntur sunt inter alia: fructus pimentae, cortex betulae, coriandri semina, iuniperus, zingibera, gaultheria, lupulus, arctii radix, taraxaci radix, spica nardi, chimaphila, guaiacum, lindera, rumex, mel, trifolium, cinnamonum, zanthoxyli cortex, iucca, quillaia, triticum repens.