Flumen Sancti Laurentii

Flumen Sancti Laurentii
Flumen Sancti Laurentii inter Quebecum Urbem (ad sinistram partem) et Lévis (ad dextram)
Longitudo	1197 chm
Altitudo fontis	75 m
Decursus aquae	10 100 m³/s
Area systematis	1 344 200 chm²
Fons	Lacus Ontarius
Ostium	Sinus Sancti Laurentii
Regio	Novum Eboracum, Quebecum, Ontario

Flumen Sancti Laurentii,^[1]^[2]^[3] (Anglice Saint Lawrence River, Francogallice le fleuve Saint-Laurent) boreorientalem Americam Septemtrionalem transfluit. Ex Lacubus Magnis oriens, in Viam Marinam Sancti Laurentii influit, unde per Sinum Sancti Laurentii Oceanum Atlanticum attingit. Circa 1197 chm longitudinis est.

Nomen

Die Sancti Laurentii Romani anno 1535 Iacobus Quarterius nomen eius sinui Sancti Laurentii dedit; postea et flumen hoc accepit. Usque ad initium saeculi XVII etiam "flumen Canadae" appellabatur.

Fluxus

E lacu Ontario multis bracchiis effluit et boreorientem petit; haec regio "Mille Insulae" ("Thousand Islands") nominatur. Per confinium civitatis Novi Eboraci et Ontarionis provinciae Canadensis fluit usque ad dilatationem, quae lacus Sancti Francisci appellatur; postea provinciae Quebeci partem australem dissecat. Hic in insulis, quas Ottavia flumen in flumen Sancti Laurentii se effundens facit, Mons Regius urbs Canadae maxima sita est. Inferius prope ad ostium fluvii Richelaei et fluminis Sancti Francisci urbs Trifluvium patet; etiam inferius, ubi flumen dilatans in sinum Sancti Laurentii transformatur, Quebecum urbs provinciae caput sita est.

Notae

↑ "Magnum flumen Canadense . . . quod olim Quarterius Hochelagae . . . posteriores S. Laurentii dixerunt": Ioannes de Laet, Novus orbis, seu Descriptionis Indiae Occidentalis libri XVIII (Lugduni Batavorum: apud Elzevirios, 1633) p. 42.
↑ "Flumen Sancti Laurentii": History of the Society of Jesus in North America: pt. 1 (1908), p. 587.
↑ "fluvius Sancti Laurentii": Novum Lexicon Geographicum, vol. 2, a Philippo Ferrario et Michaele Antonio Baudrand editum.

Nexus externi

Situs geographici et historici: Locus: 49°40′0″N 64°30′0″W, 44°20′59″N 76°0′52″W • OpenStreetMap • 5954701, 6156984, 6156985, 7315779 GeoNames • Thesaurus Getty • Store norske Lexikon • "977244" apud USGS • Treccani • Большая российская энциклопедия

Terra

Haec stipula ad flumen spectat. Amplifica, si potes!

[1] "Magnum flumen Canadense . . . quod olim Quarterius Hochelagae . . . posteriores S. Laurentii dixerunt": Ioannes de Laet, Novus orbis, seu Descriptionis Indiae Occidentalis libri XVIII (Lugduni Batavorum: apud Elzevirios, 1633) p. 42.

[2] "Flumen Sancti Laurentii": History of the Society of Jesus in North America: pt. 1 (1908), p. 587.

[3] "fluvius Sancti Laurentii": Novum Lexicon Geographicum, vol. 2, a Philippo Ferrario et Michaele Antonio Baudrand editum.

[1]

[2]

[3]