Polaris

Imago vera (sed falso colore) Polaris capta annis 2020 a CHARA Array Observatorii Montis Wilson prope Angelopolim.

Stella Polaris, conlocatio in Ursa Minore cum Ursa Maiore

Polaris sive Alpha Ursae Minoris (α UMi) est stella binaria sideris Ursae Minoris. Nomen capit quod caelesti polo septentrionali proxima stat; per motum Terrae fit ut ceterae caeli stellae, quum orbes suos conficiant, circum hanc unam agi videantur. Noctu, Polaris viatoribus nautisque, quibus regionem septentrionalem indicat, maximi usūs est.

Alpha Ursae Minoris haud omnibus temporibus polum septentrionalem significavit, nam per motum turbinalem quendam axis Telluris (praecessionem vocatum) sic evenit, ut polus caelestis ipse in caelo moveatur. Multis saeculis praeteritis, Vega autem, sideris Lyrae clarissima stella, nova stella polaris erit.

Polaris est exemplum celeberrimum supergiganteae flavae et variabilis Cepheidis. Quadraginta quinque vicibus latior est Sole et circiter quadringentos quinquaginta annos luce mensos distat.

Bibliographia

• Scott G. Engle, Edward F. Guinan, Petr Harmanec, "Toward Ending the Polaris Parallax Debate: A Precise Distance to Our Nearest Cepheid from Gaia DR2" in Research Notes of the AAS vol. 2 (16 Iulii 2018)
• David G. Turner, V. V. Kovtyukh, Igor Usenko, N. Gorlova, "The Pulsation Mode of the Cepheid Polaris" (26 Novembris 2012) apud arXiv.org pro Astrophysical Journal Letters

Nexus externi

Data astronomica: "* alf UMi" apud SIMBAD.

• "alf UMi B -- Variable Star" apud SIMBAD