Macaria (Herculis filia)
In mythologia Graeca Macaria (Graece Μακαρία) est Herculis filia quam Euripides in tragoediam Heraclidarum induxit. Iolaus cum parvis Herculis liberis Eurysthei odium in Atticam fugit ubi patrocinium regis Demophontis impetrat. Rex armis profugos tueri paratus est sed vatum oracula immolationem virginis nobilis ad victoriam necessariam esse cecinerunt. Tum Macaria sese ad mortem voluntariam offert ut Demetris filia placanda fratribus gentique saluti foret. Quia nomen in argumento tantum et in personarum catalogo legitur, non in ipso fabulae textu, philologi nonnulli coniecerunt mythographum posteriorem ex fonte proximo nomen heroidi imposuisse potius quam heroidem fonti nomen suum in generosi facti memoriam indidisse.
Fontes
[recensere | fontem recensere]- Euripides, Heraclidae 474-630
- Pausanias, Descriptio Graeciae I.32.6
- Strabo, Geographica VIII.6.19
Plura legere si cupis
[recensere | fontem recensere]- P. Roussel, "Le thème du sacrifice volontaire dans la tragédie d'Euripide", Revue belge de Philologie et d'Histoire, 1922ː 225-240