Les Chansons de Bilitis

Les Chansons de Bilitis a Georgio Barbier anno 1922 illustrata

Les chansons de Bilitis ("Carmina Bilitidos") est titulus seriei carminum Francogallice confectorum et anno 1894 editorum. Scriptor Petrus Louÿs se carmina e lingua Graeca traduxisse finxit: auctorem Bilitin meretricem cantatricemque Graecam Sapphus coaevalem fuisse. Claudius Debussy Petri Louys amicus anno 1898 opus musicum titulo Trois chansons de Bilitis iuxta haec carmina composuit.

Pictores qui carmina imaginibus illustraverunt sunt Ludovicus Icart, Guillelmus Pogany, Paulus Aemilius Bécat, Pascal Pia; addere possumus nomina Pierre Leroy, Alméry Lobel Riche, Suzanne Ballivet, Joseph Kuhn-Régnier, Pierre Lissac, Monique Rouver, Génia Minache, Lucio Milandre et J. A. Bresval.

Bibliographia

Petrus Louys a Felice Vallotton pictus; imago e libro Livre des masques, vol. 2 Remigii de Gourmont, 1898

• David Grayson, "Bilitis and Tanagra: afternoons with nude women" in Jane F. Fulcher, ed., Debussy and his world (Princetoniae: Princeton University Press, 2001, ISBN 0-691-09042-4) pp. 117-140

Nexus externi

• fr:Les Chansons de Bilitis apud Vicifontem Francogallicam
• Carmina Bilitidos ab A. C. Bessie versa (Anglice)