Laelia (comoedia)

E Vicipaedia
Jump to navigation Jump to search
"Orsino et Viola" Shakesperii (sed Flaminius et Laelia huius ludi) a Friderico Ricardo Pickersgill picti

Laelia est comoedia anno 1595 Cantabrigiae docta in Collegio Reginali. Textus versus est ex opere Francogallice a Carolo Stephano scripto, titulo Le sacrifice anno 1543 edito, titulo Les abusés anno 1549 reimpresso; sed et ille textum ex alia lingua converterat. Origo historiae reperitur in comoedia Gl'ingannati Italiane ab auctore anonymo composita, Saenae Iuliae die 12 Februarii 1532 a sodalibus Academiae Inthronatorum docta, Venetiis anno 1537 impressa.

Eandem fere historiam Gulielmus Shakesperius anno fere 1602 in fabula Twelfth Night docuit (anno 1623 editam). Ille autem repperit in collectaneo fabularum Anglice a Barnaba Riche anno 1581 congessum, Riche's Farewell to Military Profession, sub titulo "Of Apolonius and Silla"; quam rem Riche Italiane legerat in Matthaei Bandelli Novelle (anno 1554 editis). Bandello enim e ludo scaenico Gl'ingannati extraxerat.

Nexus externi[recensere | fontem recensere]

  • Textus Laelia (Anglice)
  • Textus Gl'ingannati apud archive.org (Italiane)


Bullet blue.png De hac re nexus intervici usque adhuc absunt. Adde, si reppereris.