Hymnus Hungariae

Haec commentatio vicificanda est ut rationibus qualitatis propositis obtemperet.

Quapropter rogamus ut corrigas, praecipue introductionem, formam, nexusque extra et intra Vicipaediam.

Hymnus, a' Magyar nép zivataros századaiból ('Hymnus, ex turbidis populi Ungarici saeculis'), sive Himnusz tantum, est hymnus nationalis Hungariae.

Versus fecit anno 1823 Ferenc Kölcsey.^? Musicam fecit anno 1844 Ferenc Erkel.^? Translatio fecit anno 1938 József Irsy.^?

Verba

Auge Deus Hungaros

Re, iucunditate;

Dextera tuere nos

Hoste turbidante:

Saeclum da iucundius

Genti passae dura;

Praeterita luimus,

Luimus futura!

Atavos induxeras

Karpatinis sanctis;

Per Te sedes prosperas

Cepit Almi sanguis:

Tisiae, Danubii

Qua volvuntur undae,

Fortis gentis Arpadi

Sunt plagae fecundae.

Agris in Cumaniae

Spicas maturabas,

Vites Tokaj nectare

Tu stillare dabas;

Superabant duce Te

Turcas nostra signa,

Tristem Martem Matthiae

Gemuit Vienna.

Heu, sed nostris vitiis

Es incensus ira,

Fulminaque noxiis

Detonabas dira:

Nunc sagittas Mongolum

Stridebas super nos,

Tunc Turcarum sub iugum

Nos agebas servos.

Miles quotiens ferus

Turcigena caesis

Nostri iublat superus

Martis in acervis!

Quotiens et filius

In Te vertit arma,

Patria, civilibus

Armis prolis urna!

Fugit, latit bonus

Persecutus civis;

Exsors iam domi domus

Quaerit antra quivis:

Monte, valle deviat

Tristis, desperatus;

Sanguinem pede vadat

Flammis circumflatus.

Arx erat, nunc rudera…

Laeta volitabant:

Gemitus ad aethera

Dirae mortes halant.

Nec libertas, ah, viget,

Necis ex cruore;

Lacrim’ orphani riget,

Servi sors in ore.

Salva Deus Hungaros

Tot periculorum,

Dextera tuere nos

In mari dolorum!

Saeclum da iucundius

Genti passae dura;

Praeterita luimus,

Luimus futura.

Nexus externi

Dr. Huszti József: Latin chrestomathia a gimnázium és leánygimnázium V-VIII. osztálya számára. Szent István Társulat, Budapest, 1940.
Hymnus Hungariae (video subscripta in XXXIII linguis)