Gerd Müller

Gerd Müller

Res apud Vicidata repertae:

Nativitas: 3 Novembris 1945; Nordlinga
Obitus: 15 Augusti 2021; Wolfratshausen
Patria: Germania
Nomen nativum: Gerhard Müller

Officium

Munus: pedilusor

Familia

Coniunx: Ursula Ebenböck

Memoria

Laurae: Footballer of the Year, Silbernes Lorbeerblatt, Cross of the Order of Merit of the Federal Republic of Germany, Ballon d'Or, Hall of Fame des deutschen Sports, Footballer of the Year

Gerd Müller (natus Nordlingae die 3 Novembris 1945, eodem loco die 15 Augusti 2021 mortuus) fuit athleta Germanicus qui fuit illustris pedilusor et multos annos - accurate ab anno 1964 usque ad 1979 - cum grege FC Bayern München (Bavaria Monacum) lusit. Etiam Gregis Nationalis Germanici pedilusor fuit et cum hoc grege anno 1974 Certamen Mundanum Pedilusorium vicit.

Portis 365 lusuum 427 propulsis Müller in Germania simul et nationis pyrobolarius (Theodisce: Bomber der Nation) nominatus est et primus efficacissimorum lusorum ligaminis foederalis pedilusorii Germanici fuit, pariter unus ex oppugnatoribus optimis omnium temporum. Anno 1970 folle aurario praemio Pedilusor annuus Europaeus declaratus est.

Ab anno 1964 usque ad annum 1979 pedilusor solum Bavariae Monaci pluria praemia vicit. Pedilusor turmae pedilusoriae nationalis Germaniae anno 1972 Certamen Europaeum Pedilusorium et anno 1974 Certamen Mundanum Pedilusorium vicit.

Annis officii posterioribus sui, inter annos 1992 et 2014, G. Müller coexercitator manus secundi Bavariae Monaci laborabat.

Anno 2021 morbi Alzheimeriani detrimentis mortuus est.

Vita

Gerd Müller (dextre, praemium tenens, 1974), cum Wolfgango Overath (sinistre)

Pedilusor primi anni

Iam in iuventute sua G. Müller in via felle ludebat. Anno 1957, duodecim annos natus, gregem pedilusorium TSV 1861 Nördlingen (grex artium athleticarum Nordlingae, anno 1861 fundatus) intrat, quo pedilusor adulescens virtutes oppugnator ostendabat: annis 1962 et 1963 portas 180 propulit.

Anno 1964 pedilusor Bavariae Monaci factus est.

Turma Pedilusoria Nationalis Germanica

Mense Octobri 1966 dignitatis accessio sua ludo contra turmam Turcicam in Ankara coepit. Mense Aprili 1967, ludo ineunte secundo suo contra Albaniam, primas portas quattuor ex 68 suis propulsit. Annis 1970 et 1974 certaminibus mundialibus pedilusoriis collusit. Postea secessit.

Ultimi anni et mors

Anno 2015 apud G. Müller morbus Alzheimerianus dignotus est. Die 15 Augusti 2021 mortuus est.

Modus ludendi suus

Cognomen suum Theodiscum pyrobolarii nationis ad modum ludendi suum haud referebat. G. Müller vero oppugnator areae poenalis erat, ita ut ei non propulsus fortissimus, sed motus versationesque pernices fuissent.

Nexus interni

• Ioannes Cruyff
• Pediludium

Nexus externi

Vicimedia Communia plura habent quae ad Gerd Müller spectant (Gerd Müller, Gerd Müller (footballer)).

• Opera ab hoc homine vel de eo scripta apud Bibliothecam Nationalem Germanicam (Theodisce)

Haec stipula ad biographiam spectat. Amplifica, si potes!