Gerardus Fritsch

E Vicipaedia
Jump to navigation Jump to search

Gerardus (vulgo Gerhard) Fritsch (natus Vindobonae die 28 Martii 1924; mortuus ibidem die 22 Martii 1969) fuit scriptor Austriacus. Inter traditiones et moderna? intercessor fuit et factus est memoratu sat dignus auctor litterarum Austriacarum post secundum bellum mundanum.

Vita[recensere | fontem recensere]

Bello universali maturitatis examen scholasticum superavit, stipendia merebat, et anno 1945 captivus factus est. Vindobonam reversus, linguae Theodiscae et historiae studuit, et operam dabat primo tamquam magister postea tamquam periodici moderator, lector casae cuiuspiam editricis, bibliothecarius. Collaborans apud periodicum litterarium Wort in der Zeit et edens (cum aliis) folia Literatur und Kritik et Protokolle, Fritsch, antequam sibi mortem consciveret, inter personas litterarias maximi momenti numerandus erat.

Diversis in tractationibus criticis de litteris Austriacis disseruit, velut in florilegio quodam praetitulato Aufforderung zum Mißtrauen, quod anno 1967 una cum Ottone Breicha edidit. Eius priora lyrica opera multum doctrinae existentialisticae debentia de bello agunt (Zwischen Kirkenes und Bari, 1952; Lehm und Gestalt, 1954; Der Geisterkrug, 1958). Mythistoria critica Moos auf den Steinen (1956) etiam mythos Austriae gloriosae praeteritae terminat; fabula milesia Fasching (1967) satura in homines publicos nimis conservativos secundae reipublicae Austriacae est.

Opera cetera[recensere | fontem recensere]

  • lyrica et prosae Geographie der Nacht (1962)
  • fabula radiophonica Der Kastellan (1963)
  • Katzenmusik: Prosa (1974, nova editio anno 1997)
  • Mondphasen: Fragment eines Romans (1977)
  • Gesammelte Gedichte (1978, edidit Reinhardus Urbach)

Fons[recensere | fontem recensere]

Fischer, Cornelia: "Fritsch, Gerhard", apud: Microsoft Encarta 2007 Enzyklopädie, Microsoft Corporation, 2006 (DVD)

Bibliographia[recensere | fontem recensere]

  • Stefan Alker: Das Andere nicht zu kurz kommen lassen. Werk und Wirken von Gerhard Fritsch, eldonis Wendelin Schmidt-Dengler. Braumüller, Wien 2007 ISBN 978-3-7003-1622-0
  • Gerhard Fritsch. Schriftsteller in Österreich, eldonis Stefan Alker. Sonderzahl, Wien 2005 ISBN 3-85449-245-6
  • Karl Schimpl: Weiterführung und Problematisierung. Untersuchungen zur künstlerischen Entwicklung von Gerhard Fritsch. Heinz, Stuttgart 1982 (= Stuttgarter Arbeiten zur Germanistik; 118) ISBN 3-88099-122-7

Nexus externi[recensere | fontem recensere]