Enele Sopoaga

E Vicipaedia
Jump to navigation Jump to search
Wikidata-logo.svg Enele Sopoaga
Res apud Vicidata repertae:
Enele Sopoaga: imago
Nativitas: 10 Februarii 1956; Nukufetau
Patria: Tuvalu
Nomen nativum: Enele Sosene Sopoaga

Officium

Officium: Prime Minister of Tuvalu, Legatus
Munus: Legatus, Politicus

Consociatio

Factio: no value

Enele Sopoaga (natus die 10 Februarii 1956) est politicus Tuvalus.

Frater maior natu Saufatu Sopoanga primus minister ab anno 2002 ad 2004 meruit. Enele Sopoaga, in insula Nukufetau natus, alumnus est universitatis Oxoniensis, ubi rebus diplomaticis studuit, et universitatis Sussexiensis ubi gradum magistri anno 1994 ascendit. Ab anno 1980 usque in 1996 apud ministeria nonnulla regiminis Tuvaluensis operam dedit. Legatus patriae apud Nationes Unitas ab anno 2001 usque in 2010. A die 16 Septembris 2010 aud parlamentum Tuvaluense legatus, minister a rebus externis statim factus est, quod munus usque in diem 24 Decembris eiusdem anni tantum retinuit, primo ministro usque ad hunc diem Maatia Toafa. Cui successore Willy Telavi ex officio mox eiecto, Enele Sopoaga ipse primus minister ad interim die 1 Augusti 2013 creatus est. Comitiis victor die 10 Aprilis 2015 in hoc officio confirmatus est.

Apud concilia climatica Nationum Unitarum orator pro ipso Tuvalu et pro civitatibus insulanis provectibilibus Pacificis esse solebat iam anno 2009, concilio Hauniae habito, anno 2010 ad Cancún, anno 2015 Lutetiae.

Bibliographia[recensere | fontem recensere]