Disputatio:Pneumonia

Aylin, de pneumoniae generibus (secundum locum originis numeratis) paullulum dubito, an "pneumonia ambulantem afficiens" satis succincte rem indicet. Cum pneumoniam nosocomialem, terminum satis circumscriptum, habeamus, nonne expediat termino aeque brevi uti? Itaque pneumoniam subdialem propono — terminum qui clare, ut credo, significet de pneumonia extra nosocomium contractà agi. Quodsi fontem extra-Vicipaedianum "pneumoniae ambulantem afficientis" habemus, nil possum nisi meum propositum revocare. Neander (disputatio) 13:17, 7 Augusti 2012 (UTC)

Verbum pneumonia ambulans ut videtur verbum Anglicum 'walking pneumonia' convertere conatur. (Qui walking pneumonia laborent ambulare possunt.) Radix nosocom- a Cassell's et White's dictionariis classicis abest; Ainsworth autem habet nosocomium 'a hospital for lepers'. IacobusAmor (disputatio) 13:37, 7 Augusti 2012 (UTC)

Non conata sum dicere walking pneumonia (quae significat pneumoniam atypicam, quoniam pneumoniae propria nota absunt), sed community acquired pneumonia vel verbis Theodiscis ambulante/ambulant erworbene Pneumonie.

Itaque recte dubitas, Neander, non est fons ulla huius termini, qui rem nullo modo bene neque breviter exprimit. Propositum tuum Pneumonia subdialis mihi multo melius videtur.

Gratias vobis ago pro emendationibus! --Aylin 10:21, 8 Augusti 2012 (UTC)