Barba non facit philosophum
"Barba non facit philosophum", seu "Barbae tenus sapientes"[1] (Graece Ἐκ πώγονος σοφοί, καὶ ἀπὸ πώγονος σοφισταί, καὶ ἀπὸ πώγονος φιλόσοφοι), appellabantur qui praeter barbam et pallium nihil haberent philosophi. Usurpatur aliquoties apud Plutarchum in Symposiacis. Huc allusit Horatius, cum ait: "Iussit sapientem pascere barbam." Lucianus item subinde iocatur in philosophorum τὸν βαθὺν πώγωνα 'profundam barbam'. In Eunucho, Bagoas ait: "Si philosophum oporteat ex barba metiri, hircos primam laudem ablaturos." Similiter Martialis: "Propendet mento nec tibi barba minor." Recte torquebitur in hos, qui universam vitae sanctimoniam non in animo neque in moribus, sed in cultu constituunt.
Notae[recensere | fontem recensere]
- ↑ Et sophistae et philosophi.
Bibliographia[recensere | fontem recensere]
- Desiderius Erasmus, Adagia, I.2, 195.