Fontem paginae Ars rhetorica inspicere

[[Fasciculus:Chironomia Sphere.jpg|thumb|Imago e libro de ''Chironomia'' a Gilberto Austin, [[orator]]e Hibernico, scripto. [[Actio]] est pars artis oratoris, ut saepe dicit [[Cicero]], in e.g. [[De oratore]] 2.73.]]
'''Ars rhetorica''' est [[artes liberales|ars liberalis]] bene [[oratio|dicendi]] et [[scriptura|scribendi]], pars ''[[trivium|trivii]]'' habita. Scribit [[Isidorus]]: "Quae propter nitorem et copiam eloquentiae suae maxime in civilibus quaestionibus necessaria existimatur" (Etym. 1, 2). Ars [[grammatica]] est fundamentum artis rhetoricae.

==Figurae rhetoricae==
Figura rhetorica est transmutatio in verbis coniunctis, distincta a [[tropus|tropo]], a transmutatione in verbis singulis. Modi transmutationis sunt [[quattuor]]:
# adiectio
# detractio
# immutatio
# transpositio

Transmutatio potest applicari ad [[quattuor]] elementa, scil. ad elementa
# vocis, e.g. [[allitteratio]]: [[veni, vidi, vici]]
# positionis, e.g. [[geminatio]]: fuit, fuit quondam in hac [[respublica|re publica]] virtus
# sensus, e.g. [[antithesis]]: [[ars longa, vita brevis]]
# cogitationis, e.g. [[hyperbola]]: te plus [[oculus|oculis]] meis [[amor|amo]]

Secundum haec quattuor elementa figurae sunt denominata; exempli gratia figurae vocis, positionis, etc.

==Historia==
In [[Graecia antiqua]], [[sophista]]e artem rhetoricam ut eloquentiae publicae artem [[pecunia]]e faciendae causa docuerunt. Contra illos, [[Plato]] [[philosophia]]m posuit, sed ars rhetorica ut disciplina nihilominus semper graviter aestimabatur.

[[Roma]]e "nemo fere laudis cupidus adolescens non sibi ad dicendum studio omni enitendum putavit" (Cicero, ''[[De oratore]]'', I.4).

Anno [[1519]], [[liber|libris]] de arte dicendi primum editis, [[Philippus Melanchthon]] aliter atque [[Aristoteles]] artem oratoriam non persuadendi, sed, ut [[M. Tullius Cicero|Cicero]] et [[Marcus Fabius Quintilianus|Quintilianus]], artem docuit recte et copiose esse dicendi. Qui quid esset eloquentia numquam perspicacius exposuit, quam cum [[Ioannes Picus Mirandula|Ioanne Pico Mirandula]] se respondere simulavit. Picus enim illud [[Plato]]nis, quod est in [[Gorgias (Plato)|dialogo "Gorgias"]], qui [[Gorgias]] inscriptus est, [[Hermolaus Barbarus|Hermolao Barbaro]] litteris exprobraverat, oratorem ab adulatione profectum et adeo contrarium esse [[philosophia|philosophi]], qui [[sapientia]]m amaret, ut, cum falsa pro veris probari vellet, quasi fuco, quo facies mulieris ingenua operiretur, arte sua dissimularet res ipsas. Contra Melanchthon adfirmavit, quam [[litterae renatae|renatis litteris]] recentiores dicerent eloquentiam: invitis enim oratorem ita persuadere nolle, ut res ipsas his verbis laudare studeret, quibus essent dignae.

{{NexInt}}
{{div col|3}}
*[[Ars dictaminis]]
*[[Captatio benevolentiae]]
*[[Chiasmus]]
*[[Epizeuxis]]
*[[Falsismus]]
*[[Fenestra Overtoniana]]
*[[Figura loquendi]]
*[[Homoeoteleuton]]
*[[Metaphora]]
*[[Paromoiosis]]
*[[Rhetorica digitalis]]
*[[Similitudo]]
*[[Sophistae]]
*[[Spoudaiogeloion]]
{{div col end}}

==Nexus externi==
*[http://mcl.as.uky.edu/glossary-rhetorical-terms A Glossary of Rhetorical Terms with examples] (Anglice, Latine)
*Boncompagnus (1194–1243). [https://web.archive.org/web/20040423083747/http://dobc.unipv.it/scrineum/wight/rnindx.htm ''Rhetorica novissima'']
*Carsughi, Ranieri (1647–1709). [http://www.uni-mannheim.de/mateo/desbillons/rainer.html ''Ars Bene Scribendi / Studiosis Rhetoricae / Adolescentibus'']
*Thorbecke, J. R. [[1819]]. [https://web.archive.org/web/20140810112832/http://home.kpn.nl/~dmjanssen1960/cicero_rhetor_l.html Ciceronis de perfecto Oratore sententia.]

{{Ars et litterae}}

[[Categoria:Ars rhetorica]]
[[Categoria:Linguistica adhibita]]
[[Categoria:Narratologia]]
[[Categoria:Verba Graeca]]<!-- +
Critical thinking
Communication studies-->

{{Myrias|Anthropologia}}