Arcadia (regio ficticia)

E Vicipaedia
Jump to navigation Jump to search

Vide etiam paginam discretivam: Arcadia (discretiva)

Arcadia est regio quaedam Graeciae, quae mirabilis saepe et ad utopiam maxime propria multis poetis visa est. Nam Arcadiam ut locum amoenum describunt, ubi pastores, vere hominibus aetatis aureae comparandi, paene nihil agunt nisi quod dormiunt, amant et cantu inter se certant. Sic Pan, qui et cantor optimus et pastorum deus sit, peculiare numen Arcadiae habetur[1]. Illa Arcadia inveniri potest etiam in picturis quae Et in Arcadia ego nuncupantur, qui titulus sic saepe homines artium visualium periti intepretantur, ut significet ab illa Arcadia, quamvis digna sit quam immortales et in aeternum beati incolae habitent, mortem ipsam (quae ut « ego » in sententia se designat) non abesse.

Notae[recensere | fontem recensere]

  1. Vide hos duos versus Vergilii, in quarta Ecloga: « Pan Deus Arcadia mecum si iudice certet, / Pan etiam Arcadia dicat se iudice victum. »

Nexus interni

Nexus externi[recensere | fontem recensere]